Udabarrian, koplak
2011-03-31 12:18
Herri musikaren udabarria izeneko folk jaialdi apala izan da gurean joan dan asteburuan, eta izango da datorren honetan. Harako kopla batzuk idatzi eta hemen dakartzuedaz.
(Jota)1)
Argia egunekoari,
iluna gauekoari.
Musika Jatatik dantzan
datorkun gure ahuntzari.
2)
Mari Jata, Mari Jata
bazatoz ta, zer dala ta?
Aurki, entzun dozulako
alboka ta txalaparta.
3)
Garriaz kinkirrinera!
Orpo, punta, samurrera!
Mari Jata gure plazan
Aupa! Jira beste aldera!
(Arinekoa)
1)
Erromerira goaz
Mungiko plazara.
Datorren asterako
berbak boltsatara.
2)
Harro haizeak daukaz
ai! zeuenekoak…
Jantzan hobeto daki
gure etxekoak.
3)
Matxin marinelaren
ezpataren punta.
Pirata asko dago
dantzara bilduta.
-
(Santimamiña)
1)
Katiluzubin kedarra,
Infernuerrekan sugarra:
morrosko mozkor lotsabakoak
iratxoaren marmarra.
2)
Sorgina zerutik hegaz,
Lamina dabil gaur geugaz.
Neska eder bat osinean da
katu baltz eder bategaz.
3)
Omen zan, ei da, al zara?
Gu sinestunak al gara?
Ez diranik ez egizu esan,
izena daukona bada.
Erantzun
Erantzuteko, izena emanda egon behar duzu. Sartu komunitatera!
Ardi Txikia Beti Bildots
Miren Ibarluzea