Titivillus

Ardi Txikia Beti Bildots 2010-03-31 18:58   Bertsolaritzea Gatxa da errata bako testua idaztea. Normalean bigarren irakurleak topetan ditu, norberak baino hobeto, testuan joan diran akatsak. Izan bere, norberak buruan daukana irakurten dau, eta ez pantailan edo papelean daukana. Halan da bere, erratak parkamena dauka, ez da norberaren errua, Titivilusen errua da.  Titivillus deabru txiki bat da, eskribaua despistauta dagoan artean testuetan akatsak sartuteaz arduratuten dana.

Emoten dau, monasterioetako bizimodu errrepikakorretan sortu zala mitoa, arreta galtzea bekatua zan, eta Titivillusen meatxua motibazio modukoa zan eskribauentzat. Titivillusek bere zakua egunero mila bider bete behar eban monje kopiatzaileek idaztean egiten ebezan akatsakaz, eta ostean Deabruari emoten eutson akats hareen barri. Modu horretan, baina, etsai izan zana idazlarien zaindari bihurtu zan; patroiak akatsak errua beregain hartzen ebalarik. Lan handia egiten dau Titivillusek oraindino, ostean zelan leiteke zuzentzaileak dagoazan garaiotan testuetan akatsak egotea?