Kopla kantuan

Ardi Txikia Beti Bildots 2010-02-03 12:38 Kandelario, San Blas… eta Santa Ageda. Kopla eder batzuk batu dodaz handik eta hemendik, egutegiagaz bat egin eta kantetakoak euki dagizuezan, beti bersino beragaz ibili barik. Zoaze eskean, egin gorazarre aldea-etxeetako ugazaba andre, neskatila eta gazteeri. Ezer emon ezean, purrustadea!

1) Kantetan gatoz, kantetan, ez gatoz inor sustetan, barriro bere joango gara ez bajatzue gustetan. 2) Alkate jaunaz egonda gatoz hilen lenengo goizean, libertadea emon ein deusku ibiliteko batzean. 3) Bedeinkatua ta alabadua, bai sakramentu santua, bedeinkatua izan daitela etxe honetako jentea. 4) Hortxe goi-goian bost ardi hiru jantzan ta bi adi. Etxe honetako Jose Luis jaunak zaldia dauka zelaurik. 5) Bartzelonako astilleruen barku barri bat daoz eiten, etxe honetako gure Josetxu haraxe doa kapiten. 6) Ate atzean ezpata Maritxu zu ez espanta, zeruko Jaunak gorderik dauka zeuretzat morroi galanta. 7) Eder soloan trongoa Maritxu zeure freskoa, zeuri mosu bi emonagaitik ez da mutila zoroa. 8) Eder soloan garia soinean gona gorria, eraztunetik pasa leiteke Begoña zeure garria. 9) Kamaran dago arkea lukainka-arrautzaz betea, banan ta binan ibili barik ekarri altzokadea. 10) Emongo bazu emoizu, emongo ez bazu esaizu, haizea bere hotza da eta egiten jaku berandu. 11) Etxe atzean asuna etxe aurrean hazurra, gure Jainkoak emon deitzula kakapirri eta eztula. 12) Agur oraintxe egin dagidan santa honekin batean, guk adiosik ez du usaten agur ikusi artean.