Ilargi bat, mila izar
2009-11-05 23:33
Bertsolaritzea
Batzutan gustaten jat ordenadoreko artxibategiak zabaldu eta aspaldi idatzitako bertsoeri hautsa kendutea. Uda berezi baten idatzitakoak bertsook, maitasunezkoak, gura bada:
1.-Topau ezin leiteken
turistaren gidan
bada ibai bazter bat
izarren dirdiran,
danak gogoan dodaz
ametsak bailiran
azken unean batek
muxu emon eustan.
2.-
Galdu ginan ertzeko
bedar eztietan,
sinfonien ur tanta
musikarietan.
Laminaren kantua
muxu bustietan,
soinua entzuten dot
kanta guztietan.
3.-
Ibaia zeharkatzen
dauan zuhaitz baten
orriak arnasestu
artean jolasten.
Txinpartak egoazan
alkarri esaten
ilargi bat sortzeko
besarkada baten.
4.-
Ilargiaren hautsen
edota argien
misterioa zein dan
ezin dot ediren.
Munduan paradoxak
aiko zelan diren:
urrun egonagatik
haraino heldu ziren
5.-
Izarren muxuetan
arima abstrakto,
begiradak airean
azido nitrato.
Ez jat oroitzapenik
egundo faltako
behin ilargi hartara
heldu nintzalako.
6.-
Ilargia itzali
dalakoan nago,
zoriona eroan
ete dau asago?
Be¡arriz biztu nahi neuke
bihotza zeharo
ilargiaz gain beste
izarrik badago!
Erantzun
Erantzuteko, izena emanda egon behar duzu. Sartu komunitatera!
Ardi Txikia Beti Bildots
Miren Ibarluzea