Egunotan esan diranak

Mundua Konpondu Guran 2015-02-07 16:13

Oso polita da edurra, baina arazoak besterik ez ditu emoten. Ez dakigu kotxea erabilten edurra dagoanean. Atzerrian badakie guk baino hobeto edurragaz manejetan. Hor askoz gehiago egiten dau hamen baino eta ez da ezebe pasetan. Kateak kotxetarako eta edur arropea honeek egunotan baino ez dira erosten eta di-da baten agortuten dira dendatan. Hemendik aste betera joaten bagara inor gitxik erosiko ditu. Gatza bota dabe errepideetan. Zertako? Edurte handia dagoanean alperrekoa da eta horrenbesterako ez danean kaltegarria da kotxeentzako. Baina ez dabe gatza bota, ala?

Umea etxean geratu daitela. Badakit besteak kaletik dabilzala olgetan baina honek katarro guztiak berantzako gordeten ditu. Edur honegaz ezin da bizimodu normala eroan, begira zenbat jarduera geratu diran bertan behera. Baina honeek mendikook zelan moldatuko ete dira edur artean? Goazen olgetan edurretara!! Ez neban urten gura baina derrigor joan behar nintzan. Bide estu hori hartu eta pentsau neban Yetia agertuko zala janari eske. Hori bai hotza!!