Olentzerok bialdutako maila

Mundua Konpondu Guran 2011-12-26 16:50   Euskerea berbagai Atzo arrastian posta elektroniko hau etorri jatan: Iñaki laguna: Ondo baino hobeto pasau neban Zamudion egin neban bisitaldian. Mari Domingi be gustura ibili zan zure herrian. Jatorrak dira oso zure herriko umeak. Konturatu nintzan batzuk galdera bihurriak egiten ibili zirala behin eta barriro, baina eskerrak zaharra nazala eta badakidala zer erantzun leitekean eta zer ez. Zuk uste dozu Olentzerori galdetu behar jakola zelan deituten dan bere ama? Ba horixe preguntateraino ailegau ziran. Zoritxarrez, ekarri genduan “Jalisco” astoak ez eban fundamentuzko konportamendua agertu, kakati galanta zan eta. Formala bai, baina herriko kaleak kakaztuta laga ebazan. Une batean ia korrika atara gintzazan umeak eta geu herriko alguazila ikusi genduanean. “Olentzero, Olentzero, horko hori polizia da!!”; “Olentzero, Olentzero, astoak kaka egin dau!!!” Eta danok korrika. Polita bere “petea” ekarri eustan neskatoa. Nire ondoan panderoa joten ibili ziran neskatoak be jator baino jatorragoak ziran (helduak be bai, jakina...). Batzuk nigana etorri ziran muxu emoten begiak zabal zabalik eta momentua burmuinean grabau guran. Muxu eta goxoki piloa banatu genduzan eta oso oso gustura egin genduan gure beharra, zelan ez. Ezin dot aitatu barik laga zure semea etorri zan unea. Bera be etorri zan goxoki bila eta muxu goxoa emon eustan. Ze jatorra! Paseotxoa amaitu eta gero, danak, handiak eta txikiak, formal formal pasau ziran gure aulkietatik eskutitzak emoten. Batzuk besotan hartu nebazan oso txikiak ziralako. Beste batzuk ia ni baino altuagoak ziran. Baten bat harritu egin zan bota neban agur-bertsoa entzutean. Hori leku batean oso-oso gustora nagoenean baino ez dot egiten eta Zamudion gustura egon nintzan. Halaxe kantau neban: Aupa ume ta heldu, kaixo arrastion ! Mendi puntatik gatoz, hamen gauz Zamudion Ekarri eskutitzak pozik eta bon-bon Muxu haundi danori ta egubarri on ! Datorren urterarte Olentzero eta Mari Domingi