Kontsumitzaileen eta erabiltzaileen hizkuntza-eskubideen garapen dekretua indargabetzeari buruz
2010-10-29 15:38
Eusko Jaularitzak herritarrei autortutako hizkuntza-eskubideetan atzera egin dau, isunen atxakia baliatuz, herritarrak kontsumitzaileak eta erabiltzaileak be diran neurrian, nahi daben hizkuntzan -gaztelaniaz edota euskaraz- jarduteko daukien eskubidearen gauzapena ezerezean itxita eta horretara etorren Dekretuaren aplikazinoa geratu eraginez.
Zehapenei buruzko atala ez eze Dekretuaren gainerako atal guztien aplikazinoa be gelditu dau. Herri-aginteei indarrean dagoan araubidea betetea eta betearaztea jagoken arren, Eusko Jaurlaritzak uko egin deutso euskera eta gaztelania hizkuntzen ofizialtasunak beragaz dakarrena gauzatzeari. Ez dauka indarrean dagoan araubidea beteteko asmorik; bai, ostera, berrikusteko gogoa, euskerearen indarbarritze ahalegina zalantzan jarriz eta euskerearen menpekotasuna areagotuz; bestetik, uko egin deutso hizkuntza politikearen alorrean jagokon aitzindaritzeari, aitzindaritzea herritarren hizkuntza eskubideak benetan baliatzeko egin beharreko politika publikoak garatzeari jagokonez, baita indarbarritzeak bidelagun behar dauen pedagogia soziala egiteari be, diskurtsoa eregiteari eta barreiatzeari jagokonez. Alderdi sozialisteak atzeranzko ispilua darabil gai honetan, aurrekoek egin dabena zapuzten ahaleginduz eta euskerea indarbarritzeko egitasmo sendoa dauela erakusteko eskuartean dauen aukera historikoa be alperrik galtzen ari da.
Erantzun
Erantzuteko, izena emanda egon behar duzu. Sartu komunitatera!
