Karpineko Jauregia eta parkea

Egoitz Campo 2025-04-02 09:52   Antxinakoak Geurera

| Ikusi handiago | Argazki originala

Gaur egun Karpineko Jauregia El Barbero izeneko lursailean dago, Karrantza herrian. Jauregia Karpin Abentura parkeko egoitza nagusia da. Urbano Peña Chavarri injineruak eregi eban 1911n. Ingalaterrako eraikinen itxurako jauregiak, 32 logela eta 14 tximinia ditu. Egun Enkarterriko Mankomunidadeak kudeatzen dau.

Gerra Zibila hasi zanean Errepublikako Gobernuak altxamendu frankistan parte hartu ebenei ondasun ugari kendu eutsien, horreen artean, Karpineko Jauregia. Garai horretan, baita gerra garaian be, borondate askoko personek patatak erein eta soldaduei emoten eutsien. Ondoren, Socorro Rojo Internacional (SRI) erakundeak intalazino horreek kudeatzen hasi zan eta, batez be, gerra garaiko umeei laguntzen eutseen, janaria era babesa emonez. Holan, erakundeak umeezaindegia edegi eban inguruko umezurtzendako, baita kanpokoendako be. Frankistek Bilbo beragandu ebenean, Eusko Jaurlaritzea Enkarterrietan ezarri zan eta Karpineko Jauregia eta inguruko lursailak erabili zituan gudaletxe bezela.

Gerrea amaitu ondoren, haren jabeek barriz be beragandu eben jauregia eta udan jaoten ziran oporrak pasetera. Dana dan, oso handia zanez, sekulako gaztuak zituan, halanda ze, joateari itxi eutsien eta abondauta geratu zan.

Beraz, 1994. urtean, jabeek egoera txarrean egoan erakina saldu eben eta urte bat geroago, Karpen Abentura Parkea edegi zan. Hortik aurrera, Enkarterrietako Mankomunidadea izan da parkearen jabea. Berton, animalientzako harrera zentroa dago eta fauna eta animalien parte tematikoa da.  

2000. urtetik aurrea, fauna eta floragaz zerikusia dauen ingurugiroaren konberbazinoan eta jasangarritasun hezkuntzearen garapenera bideratzen da. Hiru urte geroago, 2003an, parkea handitu eben gune tematikoekaz eta izena aldatu eutsien, Karpin Abentura. Dinosaurioei buruzkoa gunea be badago, oso intesgarria dana. Erakunde bi dira parkearen jabeak: Enkarterrietako Mankomunidadea eta Bizkaiko Aldundia.

Egun zoragarria pasetako lagunekaz edo familiagaz, idea bikaina da Karpin Abenturara joatea. Zaurituta dagozen animaliak zelan jagoten dituen ikusteko aukera dago, zugatz ugari eta beste hainbeste gauza!