Derioko Seminarioa

Egoitz Campo 2025-03-03 09:59   Antxinakoak Geurera

| Ikusi handiago | Argazki originala

Derion eraikin erraldoi bat dago. Herrira sartu beharrean BM eta institutuaren ondoan eskumatara egin ezkero, Zamudiotik zoazela, biribilunetik 400 metrotara Derioko Seminarioagaz topez egingo dogu. Seminarioa eraikin biko moltsoa da, erdiko torreagaz batera.

Diego Basterra arkitekto bizkaitarrak diseinau eban eta 1932an amaitu ziran eraikuntza lanak. Asmoa zentro psikiatrikoa egitea zan, izan be, Aldundiak Europan egozan gune-psikiatriko lako leku handi bat edegitea gura eban. Beraz, 80 hektareako lur eremua erosi eta lau eraikinez osotutako gunea egin nahi eben arazo mentalak zituen personak bertan biziteko. Hori bai, gerra zibila hasi eta plan guztiak bertan beherea gelditu ziran. Horren ondorioz, lau eraikinak ez zituen amaitu. Seminarioa, armen biltegi bihurtu zan gerran eta ondorengo urteetan, abandonau egin eben. Dana dan, 1950ean Bilboko Eleizbarrutia sortu zan, Aldundiak lur eremuak itxi eta Seminarioa martxan jarri eben, 25 urte iraunez. Milaka gazte pasau ziran bertatik, horreetako asko abade egin ziralarik.

Urteak aurrera egin ahala, gazte kopuruak behera egin eban eta 1975ean arduradunek seminarioa ixtea erabagi eben. Orduan, magisteritza ikasketak egiteko unibersidadea jarri zan leku berean, baita formazino profesionaleko eskolea eta hotela be.

Gaur egun, padela praktiketako gunea, Labayru Euskal Fudazinoaren egoitzea, Bilboko Eleizbarrutiko Artxibategia eta Icaro izeneko Historiako Ezagutza Zentro Aurreratua dagoz.

Bihar-etzi Seminario Zentrum enpresa moltsoa, 60 enpresa ingurukoa jarriko da bertan. Zonaldeko teknologia eta enpresa moltso garrantzitsuenetakoa izango da. Prozesua martxan dago.

Kontuak kontu, erlijino zentroa izan zana, orain, abangoardiako enpresen kokaleku bihurtuko izango da. Holan, Bizkaiko seminario baten eraikuntza ederrenetakoak iragana izateaz gan etorkizuna be badaukala argi dago.