Bizkaiko Emakume Hautetsien IX. Ezohiko Batzarra egin dabe

Bizkaie! 2025-03-07 13:55 Kulturea

Beijingo adierazpenaren 30. urteurrena ospatu eta aitzindari izandako emakumeak autortu ditue.

Gernikako Batzarretxeak Bizkaiko Emakume Hautetsien IX. Ezohiko Batzarra hartu dau. M-8aren bezperan, sensibilidade politiko guztietako emakumeek bat egin dabe gizarte bardinzaleagoa eskatzeko. Ekitaldiak, Bizkaiko Batzar Nagusiak erakundeak sinatutako EUDELen Erakunde Adierazopena irakurteko balio izan dau barriro eta, aldi berean, hainbat arlotan nabarmendutako emakumeen eta erakundeen lana autortu da. Aurton, Kristina Mardaras Sedrún, Marisa Barrena Larruzea, Lorena Fernández Álvarez, Miren Gutiérrez Almazor, Ana Urkijo Elorriaga eta emakume artista eta sortzaileen ESAS sare profesionala izan dira sarituak. Azken erakunde horren aldetik Nekane Díaz Helguerak, Natalia Sánchez Abadek eta Ane Legarreta Mendezek jaso dabe saria.

Autorpen-ekitaldiak beste batzuetako liturgiari jarraitu deutso. Emakumeen eta gizonen arteko bardintasunean aurrera egiteko jai eta aldarrikapen giroan, Bizkaiko Batzar Nagusiak erakundeak eta Euskadiko Udalen Alkarteak (EUDEL) atondutako Batzarra Gernikako Arbolaren ondoan hasi da. Beti Jai Alai taldeko jantzariek, antxinako erara jantzita, Lekeitioko Emakumeak izeneko aurreskua egin dabe jantzan. Horren ostean, Ana Otadui Biteri Bizkaiko Batzar Nagusiak erakundeko burua, Elixabete Etxanobe Landajuela Bizkaiko Ahaldun Nagusia, Batzar Nagusiak erakundeko Mahaiko kideak, Esther Apraiz Fernández la Peña EUDELeko presidentea, Miren Elgarresta Larrabide Emakundeko zuzendaria eta omenaldia jaso daben emakumeak, askatasuna eta bardintasuna sinbolizetan daben akorduko zapiakaz alkartuta sartu dira hemizikloan. Antxina Batzarretara deitzeko erabilten zan adarraren soinua izan da Gernikako Batzarretxeko Osokoen Aretoan ezohiko saioari hasierea emoteko atarikoa.

Bizkaiko herritarrek aukeratutako emakumez betetako hemizikloan (gizonak konbidaduen gunean egon dira), Foru parlamentuko Lehendakaria jarlekuetara hurreratu da, Emakumearen Nazinoarteko Egunaren bezperan ezohiko batzarrari hasierea emoteko. Ana Otadui Biterik azpimarratu dauenez, jardunaldia hitzordu saihestuezina bihurtu da daborduko, batez be Bizkaiko emakumeentzat. Bizitzako esparru guztietan benetako bardintasuna eskatzeko alkartzen gara barriro ba.

Bizkaiko beste horrenbeste udalerritako bost emakume hautetsik, sensibilidade politiko guztiak ordezkatuz (Ángela Eguía Liñero, Gordexolako alkatea EAJ-PNVkoa; Guruzne Carrasson Torrontegi, Sopelako alkatea EH Bildukoa; Beatriz Gamiz Mata, Ermuko alkatea PSEkoa; Natalia Aranduy Zuazagoitia, Getxoko zinegotzia Alderdi Popularrekoa; eta Inés Unzaga Agirre, Guëñeseko zinegotzia Elkarrekin Podemosekoa), EUDELek egindako martiaren 8ko Erakunde Adierazpena irakurri dabe.

Bizkaiko emakume hautetsiek bat egin gura izan dabe aurton 1995ean Beijingen egin zan Emakumeari buruzko IV. Mundu Konferentzian Beijingeko Adierazpenaren eta Ekintza Plataformaren 30. urteurrenaren ospakizunagaz. Akordio horreek martxan jarri eben genero-bardintasuna, emakume eta neskato guztien ahalduntzea eta hareen giza eskubideen gauzatzea lortzeko mundu-mailako ibilbide-orria.

Modu berean, Emakumeen Batzarrak lurraldean be jarri dau arretea eta, batez be, Kristina, Marisa, Lorena, Miren, Ana eta ESASeko (Nekane, Natalia eta Ane) kideen lanean. Halanda ze, euren lanagaz, emakumeek euren aletxoa jarri dabe tratu bardintasunaren, aukera bardintasunaren eta kristalezko sabaia apurtzearen alde burruketan jarraitzeko. Ana Otadui Biterik adierazo dauenez, batzuetan konplejuak izan diran eremuetan, adimena, adorea, lan nekatuezina eta ezbeharren aurrean amore ez emoteko erabagia dirala-eta nabarmendu diran emakumeak, gaineratu dau.

Urtero lez, ekitaldi berezia Gernikako Arbolaren aurrean egindako argazki bategaz eta autortutako emakumeek Bizkaiko Batzar Nagusiak erakundearen ohorezko liburuan egindako sinadureagaz amaitu da. Aurretik, Eva Martín Fernándezek ikutu artistikoa jarri deutso ekitaldiari, Gernikako Arbola interpretauta.