Doinuele, euskera hutseko plazen sarea martxan

Erretratua: Dani Blanco / ARGIA-CC-BY-SA. | Ikusi handiago | Argazki originala

Euskal kulturako barritasunak ezagutu nahi dituanak eta egile zein argitaletxeei zuzenean erosi nahi dituenek baditue hainbat azoka eta ekimen aukeran. Tematikoak dira horreetako asko eta orokorrak besteak; bakotxak ditu bere ezaugarriak eta alkarren arteko hartu-emonak elikatzen ditue Doinuele sarean. Urtarrilaren 9an Ziburuko Baltsan alkartean egindako prentsaurrekoan alkarregaz aurkeztu ditue aurtengo hitzorduak: orain arteko zortzi ekimenei bederatzigarrena gehitu jake, Oiartzungo Hitzen Lihoa.

Azokak janzten gaitu! mezua zabaldu dabe Doinueleko kideek kapela, zapi eta gainerako prenden artean, antzezpenetik be izan dauen prentsaurrekoan: jantzi, gorputza, burua, barru eta kanpo egin beharra dagoalako, erropea ez da nahikoa, jazteko. Liburuek be jazten gaitue. Urtean zehar Euskal Herrian nork bere gustuen araberako kultur lanez jazteko badala aukerea nabarmendu dabe. 2023an zortzi ekimen alkartuta sortu eben Doinuele sarea eta aurten bederatzigarren bat gehitu da. Ondokoak dira 2025ean bisitau geinkezan ekimenak, ia hilero bada bat lau lurraldetan:

• Urtarrilean (H)ilbeltza. 20tik 26ra Baztanen nobela baltza eta gai horri buruzko hainbat ekimen berezi.
• Martian Geure Gelatik. Azkoitian 27tik 29rako astegoienean emakumeek idatzitako liburuen azokea eta ekimenak.
• Apirilean Sormene Galdakaon.
• Maiatzean Literaturia. Zarautzen 23tik 25erako astegoienean kultur sorkuntzek hartuko ditue kaleak eta azokea.
• Bagilean Ziburuko Azokea. Hilaren 7an, lehen zapatuan, euskera hutseko liburu eta diskoek beteko dabe herriko plazea eta liburu aurkezpen, kontzertu zein gainerako ekimenak gozetako aukerea egongo da.
• Irailean (H)azoka. Hernanin, 27an, zapatuan, euskera hutseko liburu eta diskoen azokea aterpetuko dau Atxegindegi plazeak eta liburu aurkezpenak, kontzertuak eta hainbat ekimen izango dira aukeran.
• Urrian Ikusi Mikusi. Saran ume eta gazte literaturan sartzeko aukerea 11n eta 12an eta ume zein gazteei zuzendutako hainbat saio.
• Zemendian Hitzen Lihoa. Oiartzunen 12tik 16ra liburu azokea eta gai bat ardatz hartuta horren bueltako kultur ekimen bereziak.
• Abenduan Lazkaoko Azokea. 12tik 14ra Olentzeroren zakua euskerazko liburu zein diskoz beteteko aukerea eta hainbat kultur ekitaldi.

Alkartuta indartsuagoak gara

Kazetariek galdetu dabe hiru urte honeetako bidean Doinuele sareko kide izanda zer irabazi dauen herriko ekimen bakotxak. Adierazo dabe sarean konpartiduten dituela herri bakotxaren zailtasunak eta egiteko moduak eta besteengandik ikasteko aukerea emoten deutsela. Horrezaz gan, nazio mailako sare bat osotzeak emoten deusku bakotxa ez bere txokoan bakartuta sentidutea adierazo dau Doinueleko beste kide batek. Sare honi esker herri biren arteko alkarlana gauzatu dala jakinarazo dabe, Ikusi Mikusiko kide batzuk lan egin dogu Ziburuko Azokan eta trukean bardin. Aurrera begira beste herri gehiagoren artean sortu daitekez holako alkarlanak.

Sareak aurten kide bat gehiago dauela balorau dabe, izan be, Oiartzungo Hitzen Lihoak bere urteroko ekimenei gehitu deutse azokea eta holan, Doinuele sareko kide egin da.