Eusko Jaurlaritzeak 300.000 euro erabiliko ditu jantzea sustatzeko

| Ikusi handiago | Argazki originala

Jantzearen sustapenerako 299.280 euroko laguntzinoa emongo dau Eusko Jaurlaritzeak, Blanca Urgell Kultura sailburuak aurkeztutako agindua onartu ostean. Laguntzea holan banatuko dabe: 27.000 euro, koreografiaren sorkuntzarako; 90.000 euro, konpainiak sendotzeko; 100.000 euro, jantza lanak produziduteko; eta 82.280 euro profesionalen etenbako prestakuntza eta laguntza jardueretarako.

Diru-laguntzinoen helburua EAEn lanean dabilzan koreografoen eta konpainien sorkuntza-lana suspertzea da, eta ahal dan neurrian, sektorea profesionalizetako ahaleginak bultzatzea. Horretarako, EAE barruko eta erkidegotik kanpoko zirkuitu eszenikoetan jantzarako aukerak ugaritzeko zabalkunderako ekimenak sustatuko ditue.

Koreografiaren sorkuntzearen atalean, jatorrizko koreografiak lagunduko dira, bai formatu eszeniko tradizionala daukenak, bai formatu alternatiboa edo kalekoa daukenak, gitxi gorabehera hamabost minutu irauten dabenak. 2012ko urtarrilaren 1etik 2013ko abenduaren 31ra bitartean zuzendutakoak izan beharko dabe.

Jantza konpainiak sendotzeko laguntzak EAEko jantza konpainia profesionalak sendotzea dabe helburu. Atal honetan, lanen eta bira planen produkzinoa eta estreinua ez ezik, prestakuntzea eta sentsibilizazino programak be lagunduko dira. Jantza lanak produziduteko modalidadea 2012ko urtarrilaren 1etik 2013ko abenduaren 31ra bitartean EAEn produzidu eta estrenetan diren jantza-lanak laguntzera bideratuko da.

Profesionalentzako etengabako prestakuntzea eta laguntzearen modalidadean, 2012ko apirilaren 1etik 2012ko apirilaren 31ra bitartean jantza-profesionalei zuzenduta egiten diran prestakuntza eta laguntza jarduerak hartuko dira kontuan. Laguntza honeen helburua profesionalei beren-beregi zuzenduta antolatzen diran ikastaro edo etenbako prestakuntzarako lantegiak, bai eta sorkuntza eta ekoizpen profesionala bultzatzeko jarduerak babestea da.