Euskadiko Soinuak Vic-eko Musika Bizia Azokan irailaren 16tik 19ra

| Ikusi handiago | Argazki originala

Euskadiko Soinuak aurten be badoa Vic-eko Musika Bizia Azokara. Musika industriako alkarte eta enpresakaz alkarlanean, Euskadiko Soinuak-ek Euskadiko 4 talde aurkeztuko ditu zuzenean: Dediego Brothers, Vendetta, Bide Ertzean eta Iñaki Plaza y Ion Garmendiaren '20 Hatz proiekt' ikuskizuna.

Euskadiko Soinuak, Euskadin produzidutako musikea sustatzera eta zabaltzera bideratutako Eusko Jaurlaritzearen programeak, musikearen industria indartzera eta Euskaditik kanpora zabaltzera bideratutako ekimenak garatzen ditu. Helburu honetarako azoka profesionaletan parte hartzea ezinbestekoa da.

Gainera, azken boladan, Euskadiko Soinuak inguruko herrialdeakaz hartu-emonak sendotzen dabil artisten alkartruke zuzenagoak eginez. Kataluniagazko hartu-emon horreek lantzera bideratuta, Euskadiko Soinuak Katalunia eta Euskadi arteko artisten alkartruke kanpaina batean dabil lanean eta esangura horretan nahitaezkoa zan irailaren 16tik 19ra bitartean izango dan Vic-eko jaialdian parte hartzea.

Kontuak kontu, ‘Euskadiko Soinuak’-en parte hartzea Euskadiko musika produkzinoaren eskaintza zabal eta anitza zenbait kontzertutan aurkeztuz borobilduko da. Dediego Brothersen jazz freskagarria, Vendetta-ren Ska zuzena, Bide Ertzean-en naturaltasuna popean eta Iñaki Plaza eta Ion Garmendia-ren World Music ikusgarria dira aurtengo edizinoan euskal musikearen enbaxadore.

Azpimarratu behar da gainera, Dediego Brothers eta beste zenbait taldeko partaide dan Víctor de Diego saxojole euskalduna, Kataluniako kritikak antolatzen duaen Puig Porret sarietarako hautagaia be badala ‘Jazz eta sormenezko musikak’ atalean. Irungo Iñaki Etxepare biolontxelistea be atal horretarako hautagai da.

Kontzertuez gan, Euskadiko Soinuak-ek luntx-aurkezpena antolatu dau Bide Ertzeanen showcasearen osterako eta bertara azokako profesional guztiez gan herrialde bietako ordezkari politiko eta beste erakunde batzuetakoak be konbidauko dira.

Beste azoketan egiten dan legez, Vic-en be Euskadiko Soinuak-ek stand bateratua antolatu dau Euskaditik doazen parte-hartzaile guztien erakusleiho moduan. Sektoreko beste profesionalakaz emoten dan hartu-emon horreetan enpresen eta programearen sustapen materialak banatzen dira, baita Euskadiko Musikearen Gida eta EHDEk (Euskal Herriko Diskoetxeen Alkarteak) plazaratu dauen azken bilduma diskoa be.

EHDEz gan, azokara euskal produktoreen alkartea EUPREL, zuzeneko musika aretoen alkartea Kultura Live eta Baga Biga, Errabal, Gaztelupeko Hotsak, Gor eta Txalap. Art enpresen ordezkariak be hurreratuko dira, besteak beste.