La Pez eta La IndustriaL Teatrera, irabazle X. Umore Azokan

La Pez konpainiak irabazi dau Euskadiko Kale Ikuskizun Onenari Saria. Jordi Colominasek, Jorge Sanzek, Eduardo Lopezek, Elvira Marinek eta Carlos Gilek osotu dabe epaimahaia eta 'El Show de la Patera Rosa'-ren 'sentsibilidadea eta kritika dosi handiak' goraipatu ditue; horrezaz gan, parte hartzeko joku eszenikoak eta konpromisozkoak proposatzen dituela azaldu dabe.

Munduko Kale Ikuskizun Onenari saria, barriz, Industrial Teatrerak eskuratu dau, 'Rojo' ikuskizunagaitik. 'Ikusleakaz dauen erlazio berezia' nabarmendu dau epaimahaiak.

Beste alde batetik, Producciones Javier Leoniren 'Maletas de ida y vuelta' ikuskizuna goraipatu dau epaimahaiak, taula gainean 23 musikarik, dantzarik, aktorek eta zirkoko langilek parte hartzen dabelako eta Mario Benedettiren testuetan oinarrituz eszenaratze bikaina egiten dabelako.

Bien bitartean, pasa dan barikuan, Mendibile Jauregian-Txakolineko Museoan egindako ekitaldian Umore Azoka 2008 saria eta Umore Azokaren aurreko edizinoko sariak emon zituen. Sari horreek kaleko arte eszenikoak indartu, sustatu eta dinamizetan dituen konpainia, erakunde eta/edo personei emoten jakez, zuzeneko ikuskizunen sektoreagazko konpromisoari eusten deutsielako. 2009ko edizioan saritua izan da Ane Miren, zirkoaren munduan ibili dan artistea, kontorsinoan espezializau dan artisteari. Mobimentuakaz musika egitea lortu dauen personea da, Kataluniako Antzoki Nazionalean estreinau dauen artistea; orain, ostera, ikasitakoak besteakaz konpartiduten dabil.

Pasa dan urteko ganerako irabazleak:

- Kaleko Ikuskizun Onenari IX. Saria CITARON & TINCAN COMPANY konpainiak jaso dau, 'Freaks' lanari esker. Zirko garaikidean oinarritzen dan ikuskizun honetan teknika eta dramaturgiaren egitura dibertigarria eszenaratzen saiatzen dira, artista bakotxak bere kualidade zein kalidadea erakutsiz.

- Euskadiko Kaleko Ikuskizun Onenari IX. Saria Gaitzerdi Teatro konpainiak jaso dau ‘Otsoko’ lanarengaitik; alde estetiko eta interpretatiboa orekatuz proposamen integrala dalako eta eraldagarriak diran elementu eszenikoak ezin hobeto erabilten dituelako.

Ikusi argazki guztiak handiago