Pirates of the Caribbean: Dead Man's Chest

| Ikusi handiago | Argazki originala

- Zuzendaria: Gore Verbinski.
- Herrialdea: AEB.
- Iraupena: 150 minutu.
- Antzezleak: Johnny Depp (Jack Sparrow kapitaina), Orlando Bloom (Will Turner), Keira Knightley (Elizabeth Swann), Stellan Skarsgard (Bill), Bill Nighy (Davy Jones), Jack Davenport (Norrington), Kevin R. McNally (Gibbs), Jonathan Pryce (Weatherby Swann gobernadorea), Naomie Harris (Dalma izekoa), Tom Hollander (Lord Cutler Beckett), Lee Arenberg (Pintel), Mackenzie Crook (Ragetti), David Bailie (Cotton).
- Gidoia: Ted Elliott eta Terry Rossio; Ted Elliott, Terry Rossio, Stuart Beattle eta Jay Wolpert-ek sortutako personaietan oinarrituta.
- Musikea: Hans Zimmer.
- Argazkia: Dariusz Wolski.
- Muntaia: Craig Wood eta Stephen Rivkin.
- Ekoizpenaren diseinua: Rick Heinrichs.
- Jantziak: Penny Rose.

'Pirates of the Caribbean: Dead Man's Chest' ezpata igeskorren, oztopo sinisgatxen eta burrukarako zirku tokien jarraipen amaituezin eta kantsagarria da. Seguru antzean, apaingarri makal eta bakun horreen guztien atzean filmaren sekretu apurrak ostendu gura izan dabez, daborduko filmau daben hirugarren zatiaren istorioa behar baino lehenago agortu ez daiten.

Halanda ze, abentura pelikula batez gozetako aukerea galarazo deuskue, datorren urtean oraingoaren amaierea ikusteko amua iruntsi daigun. Bien bitartean, jakina danez, era guztietako produktu, parke tematiko eta jokoak merkaturatu eta salduko deuskuez, Jack Sparrow kapitainaren irudi erakargarriak lagunduta.

Gorago esan legez, film honetan ezpatakaden metro ugari soberan egoteaz ganera, umeei baino gehiago leloei zuzendutako keinuek be –tximinoa, giltzadun txakurra...– barre eragin beharrean, ikusleak nahiko-nahiko eginda amaitzea lortzen dabe. Bestalde, antzezpenen istrionismoa, batez be Johnny Depp-ena, demasekoak diralakoan nago, neurriz kanpokoak. Hori bai, filmak efektu berezietan, girotze lanean eta eten bako ekintzetan oinarrituriko zelan edo halango entretenimentua opesten deusku. Pena bat da hain hutsala izatea.