'Ximinoa' filmak irabazi dau Huhezinema Saria

| Ikusi handiago | Argazki originala

Aretxabaletako Arkupe aretoa, Euskal Herriko zinemagileez bete da barriro be, Huhezinameren XVII. edizinoan. Proiekzinoen ostean, sari banaketeari ekin eutsen, iluntzeko 19:30etan. Hautatuen artean, urduritasuna eta ilusinoa sumetan zan, baina sarien aurretik, Kepa Errasti aurkezleak abesti bat kantau eban areto guztia txakola jarriz.

Jaialdia posible egin daben babesleak be, bertan izan dira: Mondragon Unibersidadeko Humanidade eta Hezkuntza Zientzien Fakultatea, Aretxabaletako Udala, Ogeita4, Ausolan, Mundukide, Berria, CENTA, Goiena eta HAZI.

Sail Ofiziala

• Huhezinema Saria (800€): Ximinoa – Itziar Leemans. Klase harremanen bortizkerian, Iparraldeko familia burges baten eta haien haurtzainaren unibersoan erakutsi deusku, adierazo dabe atotnzaileek. Horrezaz gan, Katti Pocheluk, filmeko produktoreak, ondoko hau nabarmendu dau: Egia esan ez neban espero Sail Ofiziala irabaztea, oso pozik gagoz egindako lanagaz, eta pozgarria da ikasle talde batek horrelako jaialdi bat atontzen dauela ikustea.
• Aktore onenak (150€): Eneko Sagardoy eta Zorion Eguilor.Hazi Saria (600€): Agur Artzai – Julen Zubiete.
• Ikusleen Saria (100€): Deadly Draw – Nitya Lopez.
• Ausart Saria (350€): Normas de higiene – Amaia San Sebastián.

Bideoklip Sariak

• Bideoklip Onenaren Saria (300€): Bele-Zerua irabazi – Nitya Lopez.
• Ikusleen Saria (100€): Esperoan-Erromintxelak – Nitya Lopez.

Ikasle Sariak

• Ikasle Lan Onenaren Saria(300€): Noizko Basoa – Mikele Landa.
• Mundukide Saria (700€): Kosmospolita – Unax Alcubilla.
• MU Saria (150€): Beste aldea – Irati alvarez, Itziar Juaristi eta Lorea Elorriaga.
• Ikusleen Saria (100€): Bakarr¿k – Oier Markotegi.

Ausolanen eskutik, lunch-a izan dabe ekitaldiari behar bezalako amaierea emoteko. Horren ostean, DJ Rosamarik kontzertua eskaini dau Aretxabaletako Arkupe plazan, eta horregaz emon deutse amaierea ofiziala aurtengo edizinoari.