Tatin tartea

Osogaiak (6 errazinotarako)

 Errege sagarra (reineta).
 Azukerea.
 Ura.

Gaileta-masea egiteko

 300 gr. gurin.
 300 gr. azukera-hautsa (glas azukerea).
 300 gr. arrautza zuringo.
 300 gr. urun.

Zelan egin

Lehenengo gaileta-masea egingo dogu, jalgiten itxi behar da eta. Bitartean, katilu baten osogaiak botako doguz, aurreko zerrendako ordena bera segiduz. Hau da, lehenengo gurinea pomada eran botako dogu. Gero, irabiagailuagaz lagunduta, astiro-astiro azukerea gehituko deutsagu; arrautza zuringoa ostean, eta akabuen uruna. Ondoren, hozkailuan itxiko dogu masea, sagarra preparetan dogun artean.

Sagarra preparetako ura eta azukereagaz karamelu rubioa egingo dogu. Hau prest dagoanean, moldera ganeratuko dogu, moldearen barruko aldea tapau arte. Ostean, errege sagarrak zuritu, bihotza kendu eta lau eta sei zatitan ebagiko doguz, sagarraren neurriaren arabera. Moldea sagarrakaz ondo beteko dogu, izan be, gero labean sagarraren ura ebaporau eta bolumena galtzen dau. Hau prest dagoanean, labera sartuko dogu moldea 180ºtara 30 minutuz. Denporea pasauta, labetik atara eta lehenago preparautako gaileta-masea ganetik ipini eta barriro labera sartuko dogu, egosten akabetako, 10-15 minutuz. Ondoren labetik atara eta hotzitzen itxiko dogu moldetik atara barik, berotan apurtu egingo jaku eta. Behin hotz dagoanean, moldetik plater baten ganera bueltea emongo deutsaogu, eta gaileta-masea behean geratuko da eta sagarra horren ganean. On egin!

Beñat Ormaetxea,
Aretxondo Jatetxeko Sukaldaria