Bartzelonako Raval Auzoa: Kolorez beteriko musikea
Bilduman honako artistak azaltzen dira:
SESSION 1
- Yamal. “Es Yamal”.
- 08001. “Araien”.
- Clotaire K. “Lubnan”.
- Polvorosa. “Behind de mi house”.
- Kween Kahina. “Gambader”.
- Wesak. “Canço Parisa”.
- Khaled. “Minuit”.
- Odessa Klezmer Band. “Dj Haszid”.
- Banda Ionica + El Mono Loco. “Espinita”.
- Fermin Muguruza. “Hasperena”.
- Xerramequ Tiquis Miquis. “La grip”.
- Züell. “Self Reliance”.
- Soul Shakers. “Autenticos”.
- Cheb Balowski. “Que pasa contigo”.
- Dolores Vargas. “Jamalacha”.
- Ojos de Brujo. “Ley de Gravedad”.
SESSION 2
- El Noi. “Lerelelelerele”.
- Naggo Morris. “Flour Power”.
- Magic System. “1er. Gaou”.
- Kurdistani. “Baghdad Raï”.
- Malkit Singh. “Kinni Sohni”.
- Mungal. “Dreadlocks”. (Sly and Robbie Ambient remix).
- Cheb Aziz. “Zina”.
- Rezerv. “La casa baila”.
- La Kemia. “Aïe”.
- The Pinkertones. “Viva la juventud”.
- Stigmato Inc. “Tribal Express”.
- Tj Rehmi. “The Fusionist”.
- Tutto Matto. “Fiesta Peak Remix”.
- Boss Phobie. “Phobos”.
- Leon Dramaz con Solo Los Solo. “Si que tengo”.
- AbdeljalilKodssi. “Nebda Benbi Sousia”.
Sano gomendagarria beraz diskoa hau, munduko musika desbardinak tratamentu moderno bategaz buztarturik dakarz eta. Ganera diskoaren azala, barruko liburuxkea eta argazkiak ederrak dira, guztia digipack formatuan; lan txukuna eta erakargarria.
Gotzon Uribe
Satelite K disketxeak orain gitxi abiarazotako proiektua disko bikoitz batean plazaratu barri dau. Bi diskotan Bartzelona urian kokatuta dagoan Raval Auzoaren inguruko zeozelako soinu banda azaltzen dabe bertan. Kultura eta musika desbardinak bilgune dituan auzoa da eta gogoratu bertakoak zirala Montalban eta Terenci Moix idazleak; hain zuzen, disko berezi hau eurei dedikauta dago.
Guztira, 32 abestiz osotutako disko bikoitza da eta bertan munduko bazter ezagun eta ezezagunenetatik heltzen jakuzan soinu, melodia eta kantuak topauko dozuez, baita euskal ordezkarien doinuak be; jakina, Bartzelona uriko erritmoak be ez dira falta lan zoragarri horretan.
Dolores Vargas, 08001, Polvorosa, Yamal edota Ojos de Brujo moduko taldeak euren artean zerikusi handirik ez daben arren, danak bat eginda agiri dira Raval auzoaren inguruan. Musika estiloen buztarketea esanguratsua da baina musika elektronikoak aparteko lekua daukala esan behar da.
Bartzelonako “txinatar auzoa” da Raval, badaezpada bateren batek ezagutzen ez badau. Uriaren erdialdetik hur, bertako kale ilunak baina era berean erakargarriak dira. Lan honetan musikariek erakutsi gura izan dabe inmigrazinoak eta alkartruke kulturalak aberastasun handia dakarrela musika mundura be. “World music” etiketea alde batera itxita, hori baino zeozer zabalagoa topauko dau entzuleak: reggae-a, hip hop doinuak, rumba, rai musikea, pop musikea erritmo tradizionalakaz batera, elektronikea zentzu organikoan...; norberak bere estiloari uko egin barik bat eginda azaltzen jakuz musikariak Raval Auzoan.