Musikea III. urtea // 45. zenbakia

'Bilbo Hiria' Lehiaketearen 16. edizinoa laster da martxan

Hona hemen estilo bakotxari jagokozan aurtengo talde sailkatuak:

+ Pop-rock estiloan:

1971 (Frantzia).
BEGGAR'S HOUSE (Sevilla).
BLUE MEANY (Mallorka).
CLAVE DE LUNA (Jaen).
DEAD MODELS (Italia).
ELECTRIC RIDERS (Nafarroa).
GURU DEVA (A Coruña).
HAIRY NIPPLES (Malaga).
JOINT (Bartzelona).
JOMI MASSAGE (Danimarka).
KATEL (Frantzia).
KEROBIA (Nafarroa).
LE SINGE BLANC (Frantzia).
MOON CRESTA (Pontevedra).
NOMAD (Madril).
RAINING CITY KIDS (Gipuzkoa).
SCHEIN (Alemania)
SOGA 74 (Burgos).
THE CHARADES (Madril).
THE MAGIC BULLET THEORY (Danimarka).
THE MOVEMENT (Danimarka).
THE THINGS (Irlanda).
T-SEX (Toledo).
YARDSHAKER (Danimarka).
YURI Y SU ORQUESTA DE COSMONAUTAS (Bartzelona).

+ Metal estiloari jagokonez:

ALMA MATER (Asturias).
EAT THE GUN (Alemania).
ETHOS (Errioxa).
ETIQUETA NEGRA (Kanariar Ugarteak).
EVOLVER (Bizkaia).
GETREAL (Bartzelona).
MATERIA (Gipuzkoa).
PUN (Alemania).
SECOND SILENCE (Madril).
SILENT EDGE (Herbehereak).
SUFFERING DOWN (Bizkaia).
VIRGEN (Alacant).

+Tendentzia edo jokera barrien atalean:

BARABASS & THE HAPPY FEW (Norvegia).
GANGPOL INS (Frantzia).
HENRY (Kadiz).
LEGO MY EGO (Asturias).
MOTORMARK (Britania Handia).
SPACE DEBRY (Bizkaia).
SUPRASONICA (Araba).
THE TELEPATHIC BOY (Bartzelona).
TUPPERWEAR (Tenerife).

Gotzon Uribe

Peninsula osoko musika lehiaketarik garrantzitsuena eta ospe handienekoa dogu 'Bilbo Hiria' Maketa Lehiaketea. Orain hamabost urte (1989an) emon jakon hasikerea lehiaketeari eta edizino haretan, Yo Soy Julio Cesar, Tokio edota Los Bichos lako taldeak izan ziran protagonista. Hortik aurrera, El Limite, Estigia, La Perrera, Su Ta Gar, Musico Desconocido, Allnighters, Dr. Explosion, Maddenning Flames, Lord Sickness, Australian Blonde, Psilicon Flesh, Manta Ray, Pilt, Fromheadtotoe, Atom Rhumba, Tedium, Fang, Brutal Melody, Bummer, Mermaid edota Audience lako taldeak pasau izan dira bertatik eta hainbat sari irabazi ditue. Talde horreetako batzuk polito dabilz gaur egun, kontzertu asko egiten eta disko piloa saltzen.

Bilbo Hiria Lehiaketea orain hiru urte nazinoarte mailako bihurtu zan eta Europako talde onak ezagutzeko aukerea zabaldu zan. Igazko talde irabazlea Bartzelonako The Unfinished Sympathy izan zan pop-rock alorrean eta Mughsot Danimarkako taldea metal alorrean. Antolatzaileen esanetan, aurtengo edizinoagaz be muga guztiak gaindituko dira eta kantidadearen aldetik be, aurkezturiko maketak inoiz baino gehiago izan dira.

Epaimahaiak 46 talde aukeratuko ditu, 25 pop-rock estilokoak, 12 metal sailekoak eta 9 jokera barrietakoak. Talde horreek lehiaketearen bigarren fasean parte hartuko dabe zuzeneko kontzertuak emonaz. Kontzertuak zezeiletik maiatzera bitartean izango dira Bilboko Bilborock-La Merced Aretoan. Bagilaren 9an eta 10ean, barriz, epaimahaiak aukeratutako Pop-Rock eta Metal estiloko hiru onenek azken kontzertua eskainiko dabe.

Gauzak holan dirala, eguenero eta barikuero Bilborock aretoan kontzertu ederrakaz gozetako modua izango da datozen bi hileotan eta doban ganera. Hainbat talde barri eta interesgarri ezagutzeko aukera ezin hobea, beraz. Lehenengo kontzertuak hile honetako 26 eta 27an izango dira.