Antxoa, ahuakate eta pikiloen entsaladea
Zelan egin:
Garbitu antxoak, eta zabalik itxi. Ondoren, eskabetxau. Hurrengo pausuan, piperra konfitau eta zentimetro bateko lodieran ilaratan ebagi eta gerorako gorde.
Jarraian, ganerako osogaiak brunoisean txikitu behar dira: tipulatxa (nahiago bada, erabili tipuleta), olibak, tomate zuritua eta zainzuriak. Hornigaiak eta saltsea
hegaluze-moussea, berdura-buketa eta oinarrizko ozpin-orioa be prest euki.
Azken buruan, zerbidu aurretik, ebagi ahuakatea ilargi-erdiaren itxurako zatitan, eta bota gatza eta piperbaltza. Eskailerea montetako jarri antxoa-solomo bat azala gora begira daukala + piper ilara bat + ahuakatezko ilargi-erdi bat. Errepetidu serie hori 8 edo 10 aldiz anoa edo razino bakotxeko. Bota eskailerearen gainean ondo txikitutako osogaiak eta ondu antxoen orioagaz. Amaitzeko, jarri hornigaiak eta ondu edo gozau buketa ozpin-orioagaz.
Beñat Orametxea,
Aretxondo Jatetxeko sukaldaria
Kaixo irakurleak, egunotan entzun dozuenez, hasi da aurtengo antxoa kanpainea eta, beraz, antxoakaz lanean hasiko gara. Horretarako, aukeratu dogun platera hasierako plater hotza izango da, ahuakate eta pikiloen entsaladeagaz lagunduta. Beraz, luzaroan behar dan moduko antxoarik barik egon ostean, hartu daigun gogotsu antxoaren kanpainea.
Antxoa, ahuakate eta pikiloen entsaladea
Osogaiak (4 lagunentzat)
- Antxoa eskabetxean (12 uniade).
- Pikillo piperra (8 inguru).
- Ahuakate bi
- Tipulatxa, 100 gramu.
- Entsaladako tomate bat.
- Oliba berdeak (bost bat).
- Zainzuri bi.
- Ozpin-orioa.