Gaztetxe Martxea, 'Pausoz pauso autogestioari ateak zabaltzen' lemapean
Gaztetxe Martxea // Ibilbidea:
- Apirilaren 21ean, Maulen, hasiera ekitaldia.
- Apirilaren 22an, Maule, Donapaleu, Izura, Donibane Garazi, Makea, Itsasu, Ezpeleta, Uztaritze (Gaztetxearen inaugurazinoa), Hazparne.
- Apirilaren 23an, Hazparne , Mugerre, Baiona, Angelu, Miarritze, Senpere, Sara, Azkaine, Donibane Lohizune, Hendaia, Irun.
- Apirilaren 24an, Bera, Elizondo.
- Apirilaren 25ean, Lekunberri, Leitza, Tolosa, Ibarra, Anoeta, Billabona, Andoain.
- Apirilaren 26an, Andoain, Hernani, Astigarraga, Donostia, Añorga, Lasarte, Usurbil, Orio, Zarautz.
- Apirilaren 27an, Zarazutz, Zumaia, Zestoa, Azpeitia, Zumarraga, Urretxu, Legazpi, Oñati, Arrasate.
- Apirilaren 28an, Bergara, Plaentzi-Eibar, Elgoibar, Mendaro-Deba, Mutriku, Ondarroa, Berriatua, Lekeitio-Aulesti, Markina, Zaldibar.
- Apirilaren 29an, Zaldibar, Berriz, Elorrio, Atxondo, Abadiño, Durango, Iurreta.
- Apirilaren 30ean, Larrabetzu, Berango, Algorta, Erromo, Leioa, Bilbo.
- Maiatzaren 1ean, Bilbo, Zorrotza, Trapaga.
- Maiatzaren 2an, Trapaga, Urtuella, Balmaseda, Zalla, Sodupe, Basauri, Lemoa.
- Maiatzaren 3an, Ugao, Laudio, Amurrio, Urduña.
- Maiatzaren 4an, Urduña, Gasteiz, Agurain, Araia, Etxarri-Aranatz, Lizarra.
- Maiatzaren 5ean, Lizarra, Irunberri, Arizkuren.
- Maiatzaren 6an, Arizkuren, Agoitz, Zizur, Burlata.
- Maiatzaren 7an, Gaztetxe Egun Mundiala
www.gaztetxemartxa.org
Orain 20 bat urte hasi zan jentea herrian herriko gaztetxe eta gazte asanbladetan batzen eta hogei urte honeetan, gaztetxe eta gazte asanbladen mobimentua garatzen joan da eta lan dinamikak finkatzen; hori bai, bakotxak bere herrian eta bere herriarentzako.
Azken urteotan, barriz, gaztetxeen kontrako erasoak tarteko gaztetxe eta gazte asanbladek batzeko eta erantzun bateratua emoteko beharra ikusi dogu eta, esangura horretan, Euskal Herriko 140 asanbladatan batzen garan 3.000 lagunetik gora gara. Gazte asanblada bakotxak funtzionetako, lan egiteko, eztabaidatzeko eta pentsetako modu propioa dauka eta horrek mobimentua aberatsu egiten dau, izan be, esperientzia desbardinak trukatzeko aukerea emoten dau.
Halan da be, gure herriko eta urrunagoko arazo sozial eta kulturalek arduratzen gaitue; komunikabideek saltzen deuskuen errealidadearen bestelako errealidade bat azaleratzen saiatzen gara, jazoerak ikuspegi kritiko batez aztertuz; banakortasunean eta kapitalismoan oinarritzen ez dan kultura, kontsumo eta hezkuntza eredu herrikoi baten alde egiten dogu; sexuen arteko desbardintasunik ez dagoan jendarte batean bizi nahi dogu, solidarioagoa eta justuagoa dan jendarte batean; amalurragaz errespetuan oinarrituriko bizikidetzea nahi dogu; gure herri eta auzoetako arazoek arduratzen gaitue eta udalek dabezan bakotasunak estalduten doguz.
Gaztetxe Martxea
Apirilaren 21an Maulen hasi eta maiatzaren 7an Iruñean amaituko dan martxeak gaztetxeen izaerea, lana eta asmoak kaleratuko ditu. Mauletik Iruñearako bidean, Euskal Herriko gaztetxe eta gazte asanblada gehienak igaroko ditu. Aste biko jaia izango da, lekuan lekuko erreibindikazino eta jai giroz jantzia. Mila koloreko martxa bat, Euskal Herriko txokorik galduena be astinduko dauena.
Gaztetxe Martxearen helburuak
1) Gure egoerea gizarteratzea eta gure proiektu eta dinamikak indartzea.
2) Jendartean beharrezkoak garala erreibindiketea eta babesa jasotea.
3) Errealidade sozial bat garala gizarteari ozen esatea eta gure izatearen kontrako jarrera guztiak gelditzea exijidutea.