Good night, good luck

Argi dago 'Good night, and good luck' filma Estatu Batuetako ikus-entzuleei beren beregi zuzendutako kontakizuna dana; izan be, pelikulearen egileek jakintzat emoten dabe mundu guztiak Edward R. Murrow kazetari entzutetsua ezagutu behar dauela; seguru antzean, horregaitik ez dabe bape nekerik hartu, ez dabe izerdirik bota personaia nagusia aurkezten.

Edozelan be, Clooney-ren filmaren arazo nagusia zera da: sakontasunik eza. Ez da sakontzen filmean, ez da sakontzen personaien garapenean; McCarthy-ren eta Murrow-ren arteko liskarreko hainbat pasarte aukeratu eta horreetxek irudikatzeko erabagia hartu da, beste barik. Ez da harritzekoa, beraz, 90 minutuko luzemetraia izanagaitik be, abroziduteko moduko hainbeste hutsarte topau izana; ganera, pantailaz bestaldekoei dan-dana emoten jake eginda, ez jake parte hartzeko aukerarik emoten.

Guztiagaz be, pelikula honek itzelezko arrakastea lortu dau Estadu Batuetan, beharbada, Clooney-ren filma balorau beharrean, Murrow-ek MacCarthy-ri mozorroa kentzeko egindako lan ezaguna kontuan hartu dalako; egia esan, film hau salaketa kontakizun modura baino ezin da erabili, baina horretan be trakets dabil, makal.

Joseba Terreros