Makala 'Hondartzan'

Gau batez Donostiara joan eta dantzarako musika zaintzen dauen club baten bila bazagoz Etxekaltera joateko esango deutsu batek baino gehiagok. Leitekeana da bertan musikea jarten topatuko dozun tipo handia Makala izatea.

Aldiz, zeurea egun argiko planak badira eta Zarautza bazoaz, itsasoa ikusteko atxakiagaz, akaso taula baten gainean olatuakaz burrukan orekeari eusteko saioan topauko dozuna izango da.

Beraz, surfa, musikea eta dantzea aitatu doguz, izan be, danak batzen ditu Mikel Unzurrunzaga Schmitzek, Makalak hain zuzen. Bat egin, funk, dub, reggae, hip hop eta elektronikea. Batu eta jantzi, maiz abestiak erritmo desbardinakaz jantzi beharrean gatxena erritmo desbardinak abestiakaz janztea izaten baita. Hori da, DJ, musikari, surflari zarauztarrak lortzen dauena bere bigarren lan honegaz. Aurretik baeukan 'Makala Plays Novophonic' (CD Novophonic 2002) diskoa argitaratua. Halan da be zer esan dogu? Zarauztarra? Ez al zan bada Alemaniarra?

Roberto Sanchezegaz (Lone Ark, Loud&Lone, BDF,...) grabatua, kantauri itsasoko uretan be mobiduten dan kantabriako surflari honek badauka Makalagaz amankomunean beste zeozer, King Tubby Dub maisuagazko mirespena hain zuzen. Hurreratzen ari dan neguan ezinbesteko egingo jakun eguzkia dakarren diskoa da honakoa, kontrakoa emoten badau be, hotza hondartzeagaz girotu baitaiteke. Hori da behintzat Makalak dakarrena, negurako surfa.