Amuarraina boilur aromeagaz

Amuarraina boilur aromeagaz

Osogaiak: (4 lagunentzat)

Amuarraina preparetako

 4 amuarrain
 laupabost berakatz aihen
 4 xerra hirugiharre edo beicon
 2 ale berakatz
 salda apur bat
 boilur edo trufa bat
 uruna

Berro entsaladea preparetako

 kazola bat berro
 gatza
 oliba-orio birjina
 Modenako ozpina

Zelan egin:

Lehenengo eta behin, amuarraina garbitu eta erdiko hazurra kenduko deutsagu preparetan hasi orduko. Ostean, 2-3 zentimetroko zatietan ebagiko dogu. Berakatz aihenak be garbitu eta 2-3 zentimetroko zatiak egingo doguz. Hirugiharrea be laukitxuetan ebagiko dogu. Gero, berroak garbitu eta hostoak aukeratuko doguz. Amaitzeko, boilurra be ebagiko dogu.

Osogai guzti honeek prest daukaguzanean, amuarraina kutxiloagaz apur bat gastau eta urunetik pasauko dogu. Oriotan salteau ostean, koipea kenduko deutsagu. Gero, hirugiharrea gehitu eta sueztitzen itxiko dogu, dana batera. Berakatz aihena gehituko deutsagu eta apurtxu bat sueztitu ostean, saldaz busti eta egosten itxiko dogu dana, amuarraina egin arte, 2-3 minutu edo (saldea dana tapau arte bakarrik bota).

Amaitzeko, amuarraina eginda dagoanean, platerera atara eta ondoan orioz eta ozpinez puntuan dagozan berroak jarriko doguz. On egin.

Beñat Ormaetxea,
Aretxondo Jatetxeko sukaldaria