Zinea eta Emakumearen XIX. Erakustaldia hasiko da gaur Iruñean
Joseba Terreros
Golem zinema-aretoek eta IPES-Alkarteak Zinea eta Emakumearen XIX. Erakustaldia antolatu dabe, eta gaur, hileak 13 hasiko da. Batez beste, 2.000 persona batu dabez Iruñean aurreko edizinoek.
Emakumeen eskubideakaz konprometiduta dagozan bost zinemagileren filmak estreinauko dabez fikzinozko atalean. Guar bertan “La pasion de María” Elena Mercedes Moncada mexikarraren pelikulea eskainiko dabe, eta martitzenean “El silencio del agua” Sabiha Sumarren filma.
Eguaztenean, “El calentito” Chus Gutierrezen pelikulea estreinauko dabe, eta eguenean, barriz, “A las cinco de la tarde” Samira Majmalbafen filma. Barikuan “La otra mujer” Margarethe von Trottaren lan alemaniarra opetsiko deuskue Iruñean.
Dokumentalak be pantailaratuko dauz Zinea eta Emakumearen XIX. Erakustaldiak: gaur Ana Perezen eta Marta Arribasen “El tren de la memoria”, martitzenean Susana Koskaren “Mujeres en pie de guerra”, eta eguaztenean “Ni locas ni terroristas” Cecilia Barrigaren lana. Azkenik, eguenean hainbat andrek egindako zazpi film labur opetsiko dabez.