Laban erretako ezkur-ehizaki iberiarra, gari-zainzuriakaz eta tomateagaz

Osogaiak (4 lagunentzat):

 800 gr. ezkur-ehizaki iberiarra.
 Oliba-orioa.
 Gatza.
 24 gari-zainzuri.
 Tomate bi.

Zelan egin:

Ezkur-iberiarra 200 gramuko lau zatitan beharko dogu; ezer baino lehen gatza botako deutsagu gustoa hartzen joan daiten. Ondoren, zartagin batean erreko dogu kanpoalde osoa eta surtatik atarako dogu arin; hori bai, sueteko lekurik beroenean itxi behar da geldi, barrualdeak be tenperatura egokia hartu daian.

Bien bitartean, gari-zainzuriak tomateagaz preparauko doguz. Horretarako, ezer baino lehen tomatea zurituko dogu, tomatearen barrualdeko haziak kendu eta laukitxoetan ebagiz. Gari-zainzuriakaz, barriz, atzealdea ebagi eta gero zentimetro erdiko zatietan ebagiko doguz, puntak osorik itxita.

Errezeteagaz amaitzeko, ezkur-ehizaki iberiarra laban sartuko dogu denpora tarte txikian, izan be, txarriaren okelea bero-bero jan behar da baina lar egin barik. Bitartean, zartagin batean oliba-orio apur bategaz gari-zainzuriak eta tomatea jarriko doguz gatz apur bategaz. Azkenik, plater baten azpian jarriko dogu zartaginean egindakoa eta horren gainean, barriz, xerratan ebagitako okelea. On egin.

Beñat Ormaetxea,
Aretxondo Jatetxeko sukaldaria