II. Euskal Film Laburren Zirkuitua martxan
2005eko film laburren zirkuituaren egitaraua:
- Zezeilaren 17an, 19:00etan Iruneko Amaian (Irun iruten).
- Zezeilaren 23an, 19:00etan Ordiziako Herri antzokian (Hitzaro).
- Zezeilaren 23an, 20:00etan Oiongo zineman (Ttiki-Ttaka).
- Zezeilaren 24an, 20:00etan Erandioko J. Murueta Kulturgunean (Berbots).
- Zezeilaren 24an, 21:30etan Aretxabaletako Udaletxe zaharrean (Loramendi).
- Zezeilaren 25ean, 20:30etan Irurtzungo Kultur Etxean (Aizpea).
- Martiaren 2an, 21:00etan Azkoitiako Baztartxo Antzokian (Maxixatzen).
- Martiaren 2an, 19:30etan Hernaniko Biteri Kultur Etxean (Dobera).
- Martiaren 3an, 20:00etan Oñatiko Kultur Etxean (Laixan).
- Martiaren 3an, 20:00etan Atarrabiako Kultur Etxean (Karrikaluze).
- Martiaren 3an, 20:30etan Arrasateko Amaia Antzokian (AED).
- Martiaren 6an, 19:00etan Soraluzeko Kapillan (Pilpilean).
- Martiaren 9an, 20:30etan Etxarri-Aranazeko Zineman (Bierrik).
- Martiaren 10ean, 20:00etan Deustuako Bidarte Kultur Etxean (Berbaizu).
- Martiaren 11n, 19:30etan Areatzako Udaletxean (Ganoraz).
- Martiaren 15ean, 20:00etan Santutxuko Begoñako Udaltegian (Asapala).
- Martiaren 17an, 20:15ean Durangoko Zugaza zineman (Berbaro).
- Martiaren 17an, 20:15ean Ermuako Ermua zineman (Euskal Birusa).
- Martiaren 18an, 19:30etan Aiarako Luiaondoko Gizarte Etxean (Hogeitalau).
- Martiaren 18an, 22:30etan Mutrikuko Zabiel Kulur Etxean (Karenka).
- Martiaren 18an, 20:00etan Balmasedako Klaret Antzokian (Berbetan).
- Martiaren 23an, 11:00etan Altsasuko Iortia Kulturgunean (Bierrik).
Bizkaie!
Topagunea Euskara Elkarteen Federazinoaren kultura sailaren ekinbidez Euskal Film Laburren Zirkuituaren 2. edizinoan, danetara bost film labur proiektauko dira Hego Euskal Herriko 22 herritan, 22 herri horreetako euskara alkarteek zabalduta; hori guztia, zezeilaren 17tik martiaren 23ra bitartean.
Iñaki Beraetxek eta Iñigo Kintanak zuzendutako Ostertz (15’), Safy Nebbouren Lepokoa (23’), Angel Aldarondoren Amnesiak (6’), Ane Muñoz Mitxelenaren El salto de Beamon (15’) eta Koldo Almandozen Amuak (9’) dira proiektauko diran film laburrak.
Topaguneako Kultura sailburu Manuel Morenok zuzendarien parte-hartze zuzena nabarmendu eban, izan be, filmak proiektau eta gero, emonaldi gehienetan zuzendari bat egongo da, ikusleen galderak erantzun eta euren eretxiak konpartiduteko. Aldi berean, euskera alkarteek herrietako kultur eskaintzea aberastuz, hizkuntzearen erabileran eragingo dabe.
Ane Muñoz Mitxelena zine zuzendariak euskal lanak zabaltzeko bide egokia deritzo film laburren zirkuituari. “Jaialdietatik kanpo, ezelako lehiakortasunik barik, gure filmak konpartidu eta ezagutzera emoten ditugu”. Alde horretatik, igazko esperientzia “guztiz positiboa” izan zala azaldu dau. Igaz, Ane Muñozen Basurdea lana zabaldu zan eta zinegileak zabalkundea bera goraipatu dau. Haren ustez, “ikusle barriak bilatu eta muota zein edade guztietako publikora heltzeko bidea” da zirkuitua.
Film laburren zirkuituak 23 emanaldi izan ebazan igaz eta, danetara, 1.200 ikusle erakarri zituan. Aurtengoak 24 proiekzino eskainiko ditu eta igazko ikusle kopuru horreri eustea da helburua.