Kremazko tostadak

KREMAZKO TOSTADAK

Osogaiak:

 5 Arrautza
 1,5 l. Esne
 300gr. Azukera
 150gr. Urun
 20gr. Gurin
 kanela palu bat
 limoi azal zati bat

Zelan egin:

Lehenengo eta behin, esnea berotu eta infusionetan eukiko dogu, kanela-paluagaz eta limoi azalagaz. Esneak irakiten dauan bitartean, guk beste katilu baten honako nahaste hau preparauko dogu: arrautzak ondo irabiau ostean, azukerea bota eta dana batera irabiauko dogu indarrez, ondo nahastau arte. Gero, uruna ganeratuko deutsagu, eta barriro irabiauko dogu.

Bitarte horretan daborduko esneak irakin dau eta esnearen erdia (gitxi gorabehera) arrautzen nahastera botako dogu. Nahastea ondo irabiau ostean, lapikora botako dogu dana eta su bizian jarriko dogu, irakiten hasi arte. Orduan, sua bajatu eta irabiatzen segiduko dogu, 10 bat minutuz, lapikoaren beheko aldea erre ez dagian.

Ostean, zentimetro biko altueradun plaka batera botako dogu nahastea eta hozkailuan itxiko dogu, ondo hoztu arte.

Amaitzeko, zartagin baten girasol-orioa ugari botako. Gero, masea ebagi, urun eta arrautzatik pasau eta tostadak prijiduko doguz.

Behin prijiduta dagozanean, ganetik azukera eta kanela-hautsa botako deutsegu eta gura izan ezkero, gustetan jakun likore apur bat be bai. On egin.

Beñat Ormaetxea,
Aretxondo Jatetxeko sukaldaria