Tierra Santa eta Flyin Freak taldeek bira erraldoiari ekingo deutsie

Flyin Freak:

Idi Bihotz eta Noraezean taldeetan ibilitako hainbat musikari beteranok FLYIN FREAK taldea sortu barri dabe: Mikel Bazar (ahots nagusia), Pedro Hermosilla (gitarra erritmikoa), German Ulazia (teklatua), Gorka Bizar (baxua) eta Albaro Alonso (bateria).

Heavya, metala eta power metala oinarritzat hartuta, ingelesez kantetan dabe, euren asmoa ahalik eta urrunenera, Europako nahiz Europaz kanpoko herrietara heltzea da eta. Asmo horregaz kaleratu dabe lehenengo diskoa: It’s the time. Oso abesti luzeak dira (The Last Paradise kantua bederatzi minutukoa da), luzeak eta indar handikoak.

Diskoaren grabazinoan goi mailako kolaborazinoak izan ebezan, besteak beste, Maite Itoiz sopranoa. Ahots ederra dauka eta “Armageddon’s dare” kantua itzel geratu da.

Oihuka diskoetxeko arduradunak pozik dagoz emitzeagaz: «Metala lantzen dabe Flyin’Freak taldekoek, power metala, progresiboa, kantu luzeak baitira. Diskoak barrikuntzak dakarz, tresnerian, esaterako. Bateria potentea daukiee eta teklatua bee bai, honek koltxoi lanak egiten ditu gitarren ondoan, “armonizau” egiten ditu. Koroak be itzelak dira. Talde hau nazinoarteko beste edonoren ondoan jarri daiteke, ezelako lotsa barik».

Tierra Santa:

Espainiako heavy metal talde internazionalena dala esan daiteke. 1997an ekin eutsen euren ibilbideari eta daborduko lau disko daukiez plazan: ‘Medieval’ (1998), ‘Legendario’ (1999), ‘Tierras de Leyenda’ (2000) eta `Sangre de Reyes´. Horrezaz gan, taldearen ibilbidea dakarren VHS formatoko bideo bat atara eben 2001ean, ‘Cuando La Tierra Toca el Cielo’.

Bizkaie!