‘Arrakalak’, Gotzon Barandiaranen lehen poema liburua
Arrakalak herririk herri zabaltzea da orain asmoa eta errezitaldi bereziak preparau dabez, musikea eta animazino multimediak tarteko.
ARRAKALAK poema liburuan oinarritutako multimedia errezitalak Bihotz Bakartien Klubagaz:
-- Zemendiaren 26an (barikua) Bergarako Gaztetxean, 22:30etan.
-- Abenduak 30ean (eguena) Urdiainen.
-- Urtarrilaren 7an (barikua) Larrabetzuko HORI BAI gaztetxean.
-- Urtarrilaren 20an (eguena) Bilboko Ekoetxean.
Horrez gan, Arrakalak liburuaren gaineko mahaingurua egingo da abenduaren 3an Larrabetzuko HORI BAI gaztetxean.
- Irakurleak: Gorka Uriarte, Itziar Ituño, Iñaki Berazategi, Mari Feli Etxeandia, Gotzon Barandiaran.
- Musikariak: Aintzina Lekue (biolina), Alex Arregi (gitarra), Gorka Mugarza (soinua).
- Animazinozko irudiak (film laburrak): Bego Vicario, Maite, Sabrina, Abarne, Veronika, Ander, Adur, Belen, Edurne, Itsaso, Alaitz, Unai, Andres, Iñaki, Lidia, Yera, Ines eta Jose.
- Argazkiak: Nestor Zabala.
- Eszena-gidaria: Patxi Gaztelumendi.
Bizkaie!
Ahots poetikoaren bila, lehenengoz jarri da olerkiakaz hartu-emonetan eta jaiobarriagaz pozik dagoala autortu dau. Bihotz Bakartien Klubeko kide eta Larrebetzuko Literatur Eskolearen sortzaileetakoa izanda, antxinatik jatorkoz jakinmina eta alkarregaz ikasteko pasinoa eta, jakina, bultzada ederra izan da, zeozelan talde lan horren ondorioetako bat da ‘Arrakalak’ poema liburua, alkarlanari esker, apurka-apurka eregiten, hazten, aberasten joango dan lana.
Izenburuaren harian, arrakala berbeak adiera bat baino gehiago dauka baina lar maite ez dauan perfekzinoa edo osotasuna erdibitzeko tresna dira arrakalak poeta bizkaitarrarentzat eta horretarako erabilten ditu gaiak zabaltzeko edo zarratzeko. Poemon bidez, irakurleari azkurea sortarazotea da nire asmoa, besteak beste, gizartean nagusi doguzan guzurra eta itxurakeria lako gaien ganean.
Sarrerako ‘Arrakala hau’ errezitaldietarako kantu bihurtutako olerkiagaz batera, lau ataletan bereiztuta (hormetan gora ibarrak, betokerrokaz ikusten ditut, neugana datoz eta zarratzekoak) berrogeita bost arrakala edo poema sartu ditu Gotzon Barandiaran larrabetzuarrak Susak argitaratu deutson poema liburuan.