Le Tour de France

Doinua: Espainian behera

Tourrera joan ziran
intentzino finez,
podium-a hartzeko
ametsak eginez.
Baina zorteak ez dau
lagundu, tamalez;
herrira bueltau dira
sinistu ezinez,
Espainiako futbol
jokalariak lez.

Mayo udabarrian
hasi zan ederto,
ez eban asko behar
dana irabazteko.
Nahiz ta erorikoa
izan dan tarteko,
batzuk esaten dabe
dana ez sinisteko,
ondoegi hasi zala
ondo amiatzeko.

Haimarren belaunaren
kontua bai pena!
Hori be batek jakin
zeren ondorena.
Bidean emon eutsan
hainbeste problema,
atsedena hartzea
zan egokiena,
une haretan egin
eikean onena.

Nahiz taldeko liderrak
ez ibili zuzen,
beste batzuk lanean
gogotsu ebizen.
Halandabe ez eben
etaparik lortzen;
uste dot argi lotu
jakela Parisen,
Frantziak ez dauela
ezer oparitzen.

Iratxe Ibarra