Gatikako Bernarda

Jarraian ikus daitekezan bertsoek ez dabe azalpenik behar; hartu eta dzanga barrura!

GATIKAKO BERNARDA

1
Munduko gauzak zelan
igaroten diren
esateko asmue
hartu dot lehenbailehen;
behar eztiren gauzak
agertutearren
Pedro Iturburuko
berbaz dago hemen.

2
Ezkontzeko asmue
hartute egon naz
Don Pedro abadean
arrebatxuegaz;
eurek etorri ziran
errekaduegaz
buztertuko baginan
biok alkarregaz.

3
Beti neukan esaten
neba abadea:
«zure begira dago
Bernarda gurea,
berak gure dabena
da labradorea,
gustetan jaku zeure
propiedadea.»

4
Baina ezteuste itxi
gure izan bakean
eurekana begire
imini artean;
tranpea egoteko
abade-etzean,
eztakit ba gaur nogaz
fieu leitikean.

5
Euren gura izan da
zaratak atara,
ia inor helduten
bada zaratara;
nik adituten neban
puntu horretara,
uste badeude bere
tontoak ezkara.

6
Etxat inoz ahaztuko,
abade maitea,
San Juan eguneko
baserri-ikustea;
han konformatu ginan
bata ta bestea,
eginik gelditu zan
gure ezkontzea.

7
Abadea heldu zan
ganaduekana,
honek behar zirela
egin erdibana;
honetan zurtu ziran
aita eta ama,
ikusi eudelako
larregie zana.

8
Ederto portau ziran
aita eta ama,
gauza egokie zan
hemen egin zana;
honeek agindu euden
behietan onena,
bost behien artean bat
eurek nahi dabena.

9
Hau da aitak ta amak
agindu eudena,
guretzat izateko
behietan onena;
ikusirik gehiago
emoten etzana,
abadeak agindu
eban bigarrena.

10
Tratue holan dago
eginte ilbindu,
trespunte ona orain
egingo bagendu;
orratzari firue
ezkeio zuzendu,
Bernardari ein jakoz
begiek ilundu.

11
Pauso asko ezin lei
horreri fiaute,
satorran jenioak
dagoz ikisite;
hemen ibili dire
musturke-musturke,
atzerantz egin deude
baztarrak nastaute.

12
Agur ba Bernardita,
ama eta neba,
bakotxa beranagaz
geldituten gara;
askok adituegaz
zeuri zaratara,
ni kontentu naz behintzat,
zeu halan bazara!

13
Orain enoa eiten
zarata gehiago,
egiek esanagaz
deskantzuen nago;
barrue hutzitu dot
lehenago-lehenago,
etorri Pedrogana
guzurrik badago.

Bertso honeek Iñaki Gaminderen URDULIZ INGERU BERBAK ETA BIZIMODU izeneko liburutik atarata dagoz, baina hemen ez dagoz danak, eta baten bat egokituta dago, bertso-sortea kantagarriago egiteko.

Xabier Paia