Errekaldeko IX. Umorezko Antzerki Erakustaldia zezeileko barikuetan

Bizkaie! 2021-01-28 10:20   Kulturea

Zezeilaren 12an, Companya de Pallassos La Tête kataluniarren txandea izango da 'Tempus Fugit' proposamenagaz; 19an, El Mono Habitado eta Pez Limbo euskal konpainiena, 'Gizaunka' eta 'Boxers' ikuskizunakaz, hurranez hurran. Agurra Ganso & Ciak egingo dau, 'Panoli Kabareta' ikuskizunagaz. Saioak Errekaldeko Udaltegian izango dira, 19:00etan, doban baina egunean bertan gonbidapena eskatu beharko beharko da (10:00etatik aurrera, 671 559 937 telefonoan; gehienez gonbidapen bi eskatu ahal izango dau persona bakotxak).

Bilboko Udalaren ekimenak umorezko bost antzerki proposamen hartuko ditu zezeilean.

Egitaraua

- Zezeilaren 5ean:

Idas y venidas –60 minutu- Las Poderío Varieté Trío (Andaluzia).

Las Poderío hiru emakume dira eszenan eta bakoitzak dauen ahalmena konpartiduten dabe, erabagiteko ahalmena, norberak izan nahi dauen bezelakoa izatekoa.

- Zezeilaren 12an:

Tempus Fugit –60 minutu- Companya de Pallassos La Tête (Katalunia).

Antzezlana 2019ko Zirkolika Sarien finalistea izan zan Kataluniako Pailazoen Ikuskizun Onenaren kategorian.

- Zezeilaren 19an:

Gizaunka –21 minutu - El Mono Habitado (Euskadi) - Euskeraz.

Proposamen honetan zeozelako omenaldia dago Kafkaren obra ospetsuenetako biri: Metamorfosis eta Akademia baterako txostena, batez be bigarrenari, izan be, tximino batek publikoagaz konpartiduten dau  gizarteak zelan bihurtu dauen gizon; protagonisteak azaltzen dau zelan bihurtu dan txakur eta, aldi berean, behin eta barriro aitatzen ditu personen eta txakurren bizitzearen arteko desbardintasunak eta antzekotasunak.

Boxers -20 minutu- Pez Limbo (Euskadi) - Euskeraz.

Persona bi ezkutuko kontu batean nahasten dira, aproposa dirua erraz irabazteko edo makurrarazota amaitzeko.

- Zezeilaren 26an:

Panoli Kabareta –45 minutu- Ganso & CIA (Euskadi).

Protagonistek artista izan gura eta autolaguntza liburu bat irakurri eben. Esperientziarik izan ez arren, eurakan konfiantzea izatea erabagi eben eta autoestimu gaindosi horren emoitzea da Panoli Kabareta.