Martiak 8: II. Climbing Girl Party Leioan

Lehenengo edizinoaren arrakastea ikusita, martiaren 8an, 17:00etatik 20:30etara, Sakoneta Kiroldegiko Rokodromoan, Leioa Mendi Taldeak II. Climbing Girl Partya antolatu dau aurten be Leioako Udalaren eta herriko zenbait dendaren babesagaz.

Emakume eskalatzaileen topaketea izango da txapelketa egitureagaz, izan be, Itziar Zabala eskalatzaile gazteak diseinautako 12 desafiori aurre egin beharko deutseez. Edozelan be, jarduereak txapelketa egiturea izango dauen arren, helburuak bestelakoak dira: emakumeen presentzia ikustarazotea holako kiroletan; neskak kirol honetara hurreratzea eta animetea; gazteagoentzako ereduak sortzea; eta alkar ezagutzea eskaletan eta entrenetan joateko aukera gehiago sortzeko helburuagaz.

Parte-hartzea zein sarrerea libreak izango dira eta antolatzaileek jakinarazo dabenez, hasibarrientzako be egongo dira blokeak.

Ez da izena aurretik emon behar, Sakoneta Kiroldegira hurreratu eta antolakuntzakoei parte-hartze txartela eskatu. Sarrerea doban izango da bazkide ez izan arren.

Danetara, 4 maila egongo dira:

- 14 urtetik beherakoentzako.
- Eman (hasibarriak).
- Eutsi (esperientziadunentzako).
- Estutu (PRO!)

Puntuazinoa norberak kontrolauko dau parte-hartze txartelaren bitartez. Norberaren saioa amaitzean parte-hartze txartela antolakuntzakoei emon (ezinbestekoa zozketarako), amaiera odua betez.

Iuntzeko 20:30ean, irabazleen izenak ezagutarazo, txapelak banatu eta parte-hartze txartelen bitartez sariak zozketatuko dira. Zozketan egon ezin dauenak 15 egunetan saria hartzeko aukerea izango dau Leioa Mendi Taldearen egoitzan.

Lehenengo 60 parte-hartzaileentzat kamisetea egongo da.

Ikusi argazki guztiak handiago