1912ko galarrenan hildako arrantzaleen izen-abizenak batean jaso ditue

| Ikusi handiago | Argazki originala

1912. urteko abuztuaren 12ko galarrenean hildako 143 arrantzaleen izen-abizenak, adina, egoera zibila eta seme-alaba kopurua batzen dituan liburuxkea argitaratu dau Bermeoko Udalak hondamendiaren mendeurrenaren inguruko ekitaldien barruan.

Aingeru Astui Bermeoko Kultura zinegotziak liburuaren aurkezpenean gogoratu ebanez, Kantauriko kostaldean izandako galarrena dala eta, Matxitxakoko lurmuturretik 45 miliatara arrantzan egozan 143 arrantzale hil ziran, 116 bermeotarrak, zortzi elantxobetarrak, 16 lekeitiarrak eta 3 ondarroarrak.

Guzti horreen izen-abizenak jaso nahi izan doguz , eurei eta euren familiei omenaldia egiteko eta jazotakoa ez ahazteko. Hondamendi horrek Bermeon eragin handia izan eban, famili asko egoera ekonomiko larrian gelditu ziran eta horrek aldaketa sozial ugari ekarri zituan herrian, azaldu eban Astuik

Argitalpenean, hildakoen izenez gan, 1912ko abuztuaren 12ko galarrena zelan izan zan, herriak zelan bizi izan eban, hiletak zelangoak izan ziran eta sasoi horretako komunikabideek hondamendiari buruz emondako barriak eta lekukotzak batu dira. Garaiko itsasontzien argazkiak eta galarrenen fenomenoaren inguruko azalpenak be azaltzen dira, besteak beste.

Galarrenaren mendeurrena gogoratzeko ekitaldiak garagarrilaren 27an biatu ziran. Egitarau horren barruan, abuztuaren 3an, 1912ko galarrena literatura eta ikus-entzutekoetan mahai-ingurua egingo da Arrantzaleen Museoan,19:00etan. Bertan, galarrenaren inguruko lanak egin dituen herritarrak parte hartuko dabe, berbarako, Galerna, ekaitza ezezaguna dokumentala zuzendu dauen Jabi Elortegik, Bermeo 1912 film laburra egin dauen Alberto Bilbaok, Galerna liburuaren egile Jon Kepa Iradik eta Itsasoari begira liburuaren idazle Josu Munitizek. Mahai-ingurua hasi aurretik Norez eta Egunoff Bermeoko rock taldeek galarrenaren inguruko abesti bi aurkeztuko ditue.

Urteurreneko astegoienean egingo ditue ekitaldirik gehienak, abuztuaren 10etik 12ra bitartean. Egitarau osoa, hemen.