Herri ekimeneko euskal hedabideek hausnarketa mahai bateratua osotzeko eskatu deutsie Jaurlaritzeari

| Ikusi handiago | Argazki originala

Herri ekimeneko euskal hedabideek orain hilebete pasatxo aurkeztu eben sektorearen diagnostikoa eta erronka komunak batzen dituan dokumentua, eta bart Eusko Jaurlaritzako Kultura sailburu Blanca Urgell-egaz eta Hizkuntz Politikako sailburuorde Lurdes Auzmendigaz izan dira.

Sektorearen izenean Argia-ko zuzendari Xabier Letona, Berria Taldeko hedabideen arduradun Iban Arregi eta Tokikom-eko lehendakari Mikel Irizar izan dira, eta Jaurlaritzeari hausnarketa mahai bateratua osotzeko eskatu deutsie, eta besteak beste honoko eskaera zehatzak be jarri deutsiez mahai-ganean: diru laguntzinoetarako politikea aldatu eta hitzarmen eredua ezarri daiala, sektorean inbersinoak eta garapena sustatu daizala eta publizidade instituzionalaren banaketan hizkuntza erizpideek zeresan handiagoa izan deiela.