Unibersidade Orientazinorako Azokea UPV/EHUko Bizkaiko Campusean
2012-02-02 16:27Unibersidade-aurreko ikasleei ikasketen aukeraketan laguntzeko helburua dauen Unibersidade Orientazinorako Azokea, datorren zapatuan, zezeilaren 4an, goizeko 09:00etatik 14:30era, Sarrikoko Ekonomia eta Enpresa Zientzien Fakultadean (Lehendakari Agirre Etorbidea, 83. Bilbo) egingo dau UPV/EHUk.

Unibersidade-aurreko ikasleei ikasketen aukeraketan laguntzeko helburua dauen Unibersidade Orientazinorako Azokea, datorren zapatuan, zezeilaren 4an, goizeko 09:00etatik 14:30era, Sarrikoko Ekonomia eta Enpresa Zientzien Fakultadean (Lehendakari Agirre Etorbidea, 83. Bilbo) egingo dau UPV/EHUk.
Unibersidade-aurreko ikasle, euren guraso eta bigarren hezkuntzako irakasleei zuzenduta badago be, azokea edozein lagunek bisitau leike. Eskainiko diran gradu guztiei buruzko informazino zehatza emongo deutsee ikasleei UPV/EHUko ikastegi guztietako irakasleek, bai modu personalizatuan, baita ikastegiek emongo dituen informazino-saio kolektiboen bidez be.
Era berean, unibersidadera sartzeko bide, mobikortasun-programa, graduondoko ikastaro, tasa nahiz beka, ostatu nahiz garraio, kirol-jarduera edo unibersidade-orientazinoaren gaineko informazinoa emongo deutsee unibersidadeko zenbait zerbitzutako langilek.
Aurreko bi zapatuetan, Araba eta Gipuzkoako Campusetatik pasau ondoren, Unibersidade Orientazinorako Azokeak zapatuan amaituko dau ibilbidea Bizkaian. UPV/EHUk urtero garatzen dau Unibersidadera Sartzeko Programea, unibersidade-aurreko ikasleek ahalik eta informazino gehien izan deien ikasketak hautatu aurretik, eta Unibersidade Orientazinorako Azokak programa horren barruan kokatuta dagoz, bigarren fasean, hain zuzen. Lehenengoan, bigarren hezkuntzako ikastetxeetako eta goi-mailako prestakuntza-zikloetako orientatzaileakaz hainbat topaketa egin ziran, joandako zemendian eta abenduan zehar. Programaeri amaierea emoteko, Ate Edegien Jardunaldiak egingo dira martian eta horreetan parte hartzeko, bigarren hezkuntzako eta lanbide-heziketako beren ikastetxeetan emon beharko dabe izena ikasleek.
Erantzun
Erantzuteko, izena emanda egon behar duzu. Sartu komunitatera!