Bilboko Aste Nagusiko aurtengo txupinereak eta pregoilariak egitarau zabalari erantzun beharko deutsie

| Ikusi handiago | Argazki originala

Bilboko 2009. urteko Aste Nagusia hasteko ordu gitxi falta diran honetan, aurtengo pregoilaria Joseba Solozabal eta txupinerea Sonia Polo prest egongo dira, astebete luzez, euren lanari ekiteko. Solozabal Telebilbao telebista lokaleko aurkezle ezaguna da eta Polo Eguzkizaleak konpartsako kidea. Aurten, eurei egokitu jake Aste Nagusian ekitaldiz ekitaldi ibiltea, Bilbo uriaren izen handia han eta hemen zabaltzen.

Honezkero, musika egitarauaren barri emon dogu Musika atalean eta, antzerki arloari jagokonean, Bilboko Aste Nagusiak antzerki-egitarau zabala dakar aurten. Arriaga Antzokia, zein Euskalduna Jauregiak edota La Casilla Pabiloiak antzerkiaz gozetako hainbat aukera eskainiko ditue.

La Casilla Pabiloian, ikuskizun bi izango dira. Abuztuaren 20tik 22ra bitartean, eguneko emonaldi bakarragaz, Tricicleren umore mutuaren unerik onenak eta Agustin Jimenez bakarrizketalariaren berbaldi barregarria izango dira.

Arriaga Antzokian, 'Mamma Mia!' ikuskizun musikalak Suediako ABBA talde mitikoaren 22 kanta eskainiko ditu. Ikuskizuna abuztuaren 6tik irailaren 6ra bitartean izango da ikusgai.

Euskalduna Jauregian, barriz, abuztuaren 14tik 19ra bitartean, 'El enfermo imaginario' antzezlana, Molieren jatorrizko lanaren indar, satira eta asmo kritiko beragaz, ailegauko da Euskalduna Jauregira, eta negozio bihurtutako medikuntzearen gehiegikerien barri emongo deusku. Bestalde, Abuztuaren 18tik irailaren 6ra bitartean, 'Mi primera vez' antzerki-lana izango da.