Aldizkari estadubatuarretan, kritika onak Kirmen Uriberen lanari

Kirmen Uriberen ‘Bitartean heldu eskutik’ liburuaren ingelesezko bersinoak ('Meanwhile, take my hand', Graywolf, 2007) kritika onak jaso ditu Amerikako Estadu Batuetan. Azkena, Harvadeko Unibersidadeko ‘The Hardvard Book Review’ aldizkari ezagunean agertu da oraintsu. Aldizkariaren 2007ko neguko alean liburuaren ganeko kritikea dator Liza Flumek idatzia. ‘On dreams and Wartime’ izenburupean (Ameseten eta gerra garaien inguruan), modu sakonean aztertzen dau liburua.

Kritikeak liburuaren alde barritzaileak azpimarratzen ditu, batez be idazteko estilo garbia eta gaien aukeraketea (agerpen erotikoak, gerra eta gatazkearen isilpeko eragina...); eta poesia kaleratzeko modua be goratzen dau, errezitalen eta ikuskizun multimedien bitartez. Artikuluaren arabera, ‘Uriberen liburuaren itzulpenek erakusten dabenez, haren ahotsak mugak pasetan ditu. Haren sorterriko xehetasunak erabilten ditu Euskal Herritik harago doan ikuspegia osotzeko. Baleiteke haren poemak hantxe errotuta egotea, baina mundura loratzen dira’.

Besteak beste, Los Angeles Times eta Booklisten agertu dira kritikak eta, oraintsu, liburuko poema bat argitaratu eben Washington Posteko liburu gehigarrian, ‘Ez eman hautatzeko’ izenekoa.

Ikusi argazki guztiak handiago