Alhondiga Bilbaok eta BBK-k lankidetza-hitzarmena sinatu dabe uriko kultur eta aisialdiko eskaintzea dinamizetako

Alhondiga Bilbao erakundeak eta Bilbao Bizkaia Kutxak lankidetza-hitzarmena sinatu dabe gaur uriburu bizkaitarreko kulturako eta aisialdiko eskaintzea dinamizetako asmoz, azpiegitura barri baten bidez.

Hitzarmen horren ondorioz, alde batetik, BBK-k kultura urbanoaren eta topalekuaren filosofiagaz identifiketan dauen espazioa izango dau. Bestalde, BBK-k zentroaren Programazinorako Batzorde Teknikoan parte har daian mekanismoak ezarriko dira.

Zentroko mediatekearen sarreran espazio bat izango dau kutxa bizkaitarrak bere izena edo markea jarteko. Mediatekeagaz lotutako jarduerak dirala-eta argitaratuko diran ikus-entzunezko material guztietan be BBKren logotipoa edo markea agertuko da, bai eta Alhondiga Bilbaoren publizidade-euskarri edo bestelako espazioetan mediatekearen aitamena egiten danean be. Horren truke, BBK-k urtean (bost urteko epetan luzatu daiteke) miloe bi euro emongo deutsoz.

Mediatekea 2009ko bagilean zabaltzekotan dira, eta eraikin enblematiko honen azken ekipamendua izango da.