Gernikako bonbardaketearen 70. urteurrena
2007-04-26 02:00‘Gernika 07/70’ erakusketearen inaugurazinoak emon deutso hasierea gaurko, apirilak 26, egunari, 10:30etan. Ostean, eguerdiko 12:00etan, adierazpen instituzionala irakurri da. Iluntzean, 'Gernika.Bonbardaketea' dokumentala estreinauko da Jai-Alai frontoian.
Orain dala 70 urte, apirilaren 26an, alemaniar hegazkinen bonbek, Condor Leginoak, Gernika erabat suntsitu eben. Gaur, jazoera gogor ha gogoan hartuko da.
‘Gernika 07/70’ erakusketearen inaugurazinoak emon deutso hasierea egunari, 10:30ean. Ostean, 12:00etan, adierazpen instituzionala irakurri da. Ekitaldian, euskal erakundeetako ordezkariek parte hartu dabe, Juan Jose Ibarretxe lehendakaria buru. Ganera, Adolfo Perez Esquivel eta Mario Molina Bakearen eta Kimikearen Nobel saridunak be Gernikan dagoz, Hiroshima, Coventry, Hanburgo, Varsovia eta Volgogradoko (Stalingrado izandakoa) alkateakaz batera. Izan be, uri horreetako bizilagunek be bonbardaketa baten krudelkeria bizi izan eben. Alkate horreek bakearen eta adiskidetzearen aldeko ‘Gernika Bakearen alde’ adierazpena irakurri dabe hainbat hizkuntzatan.
‘Omenaldi berezia, beste herrialde batzukaz alkarlanean egindakoa eta batasunaren eta alkartasunaren bidez edozein gerrari eta giza eskubideren bortxaketari modu internazionalean aurre egiteko laguntzen deuskuna’ izango dala azpimarratu dau Gernikako alkate Miguel Angel Aranazek.
Bonbardaketearen 70. urteurrenaren inguruko oroitzapenezko ekitaldien artean, nabarmentzekoa da, baita, Foru Plazan egongo dan ikus-entzunezkoen erakusketea. Tartean, ganera, beste hainbat ekitaldi antolatu ditue. Hona hemen egitaraua:
10:30: ‘Gernika 07/70’ erakusketearen inaugurazinoa.
12:00: Bakearen aldeko manifestua irakurtea eta sinatzea Juntetxean.
15:45: Sirena hotsa pasealekuan.
16:30: Bonbardaketearen biktimei lore eskaintzea kanposantuan.
19:30: Bakearen eta adiskidetzearen aldeko Gernikako III. Sariak Lizeo Antzokian.
21:00: ‘Gernika. Bonbardaketea’ dokumentalaren estreinaldia Jai-Alai frontoian.
21:30: Manifestazinoa kandelakaz. Bertsolariak, txalapartariak, jantzariak eta dultzaineroak izango dira bertan. Amaieran, Dulcie September kolonialismoaren kontrako militantea eta ANCko ordezkaria omenduko dabe.
Erantzun
Erantzuteko, izena emanda egon behar duzu. Sartu komunitatera!