Dantzanet, Bizkaiko Dantzarien Biltzarraren webgunea

| Ikusi handiago | Argazki originala

Sarean dago Bizkaiko Dantzarien Biltzarrak preparau dauen webgunea: dantzanet. Barriak, Bizkaiko jantza tradizionalen inguruko informazinoa, jantza tradizionalen egutegia, Bizkaiko Dantzari Egunaren ganeko informazinoa eta argitalpenen fitxak topau daitekez bertan.

Bizkaiko hogeta bat jantza tradizionalen inguruko informazinoa jasoten dau webguneak, jantzen zatiak, testuinguruaren ganeko ohar batzuk, bibliografia eta argazki batzukaz horniduta. Horrezaz gan, jantza horreek urteko zein sasoitan egiten diran eta jaietako jantza egitarauen zerrendea eskaintzen da. Bizkaiko jantza tradizionalen ganeko artikulua Iñaki Irigoienek idatzi dau.

Albistegia be badauka Dantzanet webguneak eta argazkiak be badagoz. Argitalpenen atalean, Euskal Dantzarien Biltzarrak (EDB) argitaratu dituan liburu, disko eta DVDen barri emoten da.

Astiro-astiro, EDBko delegazino bakotxa bere webgune propioa osotzen doa; holan, Euskal Dantzarien, Arabako Dantzarien eta Iparraldeko Euskal Dantzarien Biltzarren webguneak topauko doguz sarean, Bizkaiko Dantzarien Biltzarraren Dantzanet dalakoagaz batera.