Pako Aristi maisu lanetan Bermeon

| Ikusi handiago | Argazki originala

Institutuko batxilergoko lehenengo mailakoak izango dira idazle gipuzkoarraren ikasleak datorren zezeilaren 5era arte antolatutako asteroko literatur tailerrean.

Udaleko Euskera Sailaren eta Bermeoko ikastetxearen arteko lankidetzaz sortu dan ekimen barriaren helburua euskeraz sortzeko gaitasuna lantzea da, ‘hizkuntzea aberasteko, baliabide barriak ikasteko eta sormen lanari bultzadea emoteko’, arduradunen esanetan.

Literatur ekimena Euskal Idazleen Alkartearen laguntzinoz antolatu izan da urtero-urtero eta Bermeoko Udaleko Euskera Sailak udalerriko ikastetxeentzako bideratzen dituan proiektuetariko bat da. Aurtengoa laugarren edizinoa da.

Pako Aristik emongo dauen tailerra astean behin izango da, ordubeteko iraupenagaz.