Igaz baino % 14 turista atzerritar gehiago etorri da aurten EAEra

| Ikusi handiago | Argazki originala

550.000 turista atzerritarrek bisitau dabe aurtengo lehen zazpi hilebeteotan EAE, igaz baino % 14,2 gehiago. Industria, Turismo eta Merkataritza Ministerioak Frontur inkestako datuetan oinarrituta emon ditu kopuruok. Horrenbestez, turista atzerritar gehien jasoten dauen autonomia erkidegoetan bederatzigarrena da EAE.

Zazpi hilebeteotan, Estaduko turista atzerritarren % 1,7 baino ez dau jaso EAEk, baina hazkundea nabarmena da, Estaduko batez bestekoa baino % 5,3 gehiago. Gauzak holan dirala, gehien hazi dan hirugarren autonomia erkidegoa da, Madril eta Gaztela eta Leonen atzetik.

Garagarrilean, 164.968 atzerritarrek bisitau eben EAE, igaz baino % 12 gehiago. Eustaten datuen arabera, 2006ko garagarrilean 213.627 bidaiarik hartu eben ostatu Euskal Autonomia Erkidegoko hoteletan, hau da, aurreko urteko hilebete berean baino 23.000 gehiagok eta, horrenbestez, % 12ko hazkundea izan da.

Euskal Autonomia Erkidegoko hiru lurraldeetan gehitu da etorritako bidaiari kopurua: Araban % 17, Bizkaian % 16 eta Gipuzkoan % 7.

Estadutik etorritako bidaiarien sarrerea be hazi egin da, % 13, hain zuzen. Estadutik etorritako bidaiarien artean autonomia erkidego guztietatik etorritako bidaiari kopuruak gehitu dira, baina batez be hurrengoetatik etorritakoenak: Madril, Gaztela eta Leon, Andaluzia, Kantabria eta Asturias.