Euskerearen ganeko ikerlanen artxiboa

Euskerearen ganeko ikerlanak batzen eta zabaltzen dituan nazinoarteko liburutegi elektroniko barria da Artxiker . Hiru bersino ditu: euskerazkoa, ingelesezkoa eta frantsesezkoa.

Proiektua Frantziako Centre National de la Recherche Scientifique erakundeko ikergune biren arteko lankidetzearen frutua da: IKER (Euskerearen eta Euskal Testuen ganeko Ikerketa Gunea) eta CCSD (Centre Pour la Communication scientifique directe). Ganera, euskerea lantzen daben hainbat unibersidaderen laguntzinoa be badauka: Michel de Montaigne Unibersidadea (Bordeaux), Paue eta Aturriko Unibersidadea, Euskal Herriko Unibersidadea, Nafarroako Unibersidade Publikoa eta Deustuko Unibersidadea.

Artxiboaren helburuak honakoak dira: ikertzaileei euskerearen eta arlo tipologikoan euskeratik hur dagozan hizkuntzen ganeko lanak doban eskaintzea; lan horreek eskuratzeko bide erraza eskaintzea; artxiboko ikerlanei berehalako zabalkundea emotea; ikertzaileen artean, ikerlanen ganeko eretxi-trukaketan laguntzea; eta, azkenik, sare zientifiko osoa sortzea eta mantentzea.

Artikuluak argitaratutakoak (aldizkari, liburu, tesi...) edota argitaratu bakoak izan daitekez. Bilaketea egiteko, arloka, urteka eta autoreka egin daiteke. Arloak honeek dira: fonologia, morfosintaxia, semantika-pragmatikea, dialektologia, soziolinguistikea, psikolinguistikea, testuen ikerketea eta filologia, hiztegigintzea eta lexikologia, konparatismoa, euskerearen historia, espezialiadade hizkerak eta tratamentu automatikoa. Ganera, artxiboan sartutako azken 30 artikuluak zuzenean agertuko jakuz.