Italiako zinemagintza garaikidea Bilbora helduko da Zinecitta zikloari esker
2016-02-01 17:09 ZinemeaZezeilaren 2tik 4ra egingo dabe Bilboko BBK Aretoan Zinecitta zikloa. Egunero film bat proiektauko da, bakotxa genero batekoa. Holan, gaur eguneko Italiako zinemea zertan dan erakutsi nahi dabe. Euskaditalia kultur espazioak antolatu dau ekimena, Bilboko Udalaren, BBKren, Zinebiren eta Erromako Istituto Luce erakundearen laguntzinoagaz.
Zezeilaren 2tik 4ra egingo dabe Bilboko BBK Aretoan Zinecitta zikloa. Egunero film bat proiektauko da, bakotxa genero batekoa. Holan, gaur eguneko Italiako zinemea zertan dan erakutsi nahi dabe. Euskaditalia kultur espazioak antolatu dau ekimena, Bilboko Udalaren, BBKren, Zinebiren eta Erromako Istituto Luce erakundearen laguntzinoagaz.
Ziklorako aukeratutako hiru filmek arrakasta handia euki dabe Italian. Martitzenean, hilak 2, La Mafia uccide solo d´estate pelikulea emongo dabe, Pierfrancesco Dilibertok zuzendua. Europako Zinemako Komediarik Onenaren Saria emon eutsien 2014an.
Eguaztenean, hilak 3, Il giovane favoloso (Leopardi) emongo dabe, Giacomo Leopardi poeteari buruzko filma. Zikloa biribiltzeko, eguenean, Se Dio vuole emongo dabe, Edoardo Maria Falconeren lehenengo lana.
Zinecitta zikloa lehenengo aldiz antolatu dabe Bilbon. Emonaldi guztiak arratsaldeko 20:00etan hasiko dira, BBK Salan. Sartzea doban da. Filmak jatorrizko bersinoan emongo ditue, azpitituluakaz.
Erantzun
Erantzuteko, izena emanda egon behar duzu. Sartu komunitatera!