Urkiola, Gorbeia eta Armañongo parke naturalek makinatxu bat jarduera antolatu ditue

| Ikusi handiago | Argazki originala

Bizkaiko Parke Naturalen Sareak hainbat jarduera atondu ditu urtarrileko eta zezeileko astegoienetarako Urkiolako, Gorbeiako eta Armañongo interpretazino zentroetan. Parte hartu nahi izan ezkero, Gorbeiako (94 673 92 79), Urkiolako (94 681 41 55) edo Armañongo parketxeetara (94 656 00 79) deitu behar da.

Kontuak kontu, Bizkaiko Foru Aldundiko Ingurumen Sailak parte hartzea eta iraunkortasuneko hezkuntza sustatzeko hainbat jarduera antolatu ditu lurraldeko parke naturaletako interpretazino zentroen bitartez. Zehatz, neguan aisialdia eta astialdia emateko hainbat jarduera mueta egongo dira, besteak beste, natur ondarea eta ondare kultural eta historikoa ezagutzeko ibilaldiak, ate edegietako jardunaldiak eta abar.

Foru erakundeak jakinarazo dauenez, jardueren artean, umeentzat beren-beregi prestautakoak nabarmentzen dira: taloa egiteko tailer bat, hegaztientzako janlekuak eta zomorroentzako hotelak egingo dira.