Mursego, Oreka TX eta Kepa Junkera Vic-eko musika azokan izango dira gaurtik aurrera

Mercat de Música Viva de Vic jaialdia gaur hasiko da, irailak 18, eta aurten hiru euskal taldek hartuko dute parte, Etxepare Euskal Institutuaren eta Eusko Jaurlaritzaren Euskadiko Soinuak programeagaz: Mursego, Oreka TX eta Kepa Junkera. Euskadiko Soinuak programak euskal musikari bultzadea emotea dau helburu.

Euskadiko Soinuak eta Etxeparek Mercat-eko profesionalen arteko topaketea ahalbidetuko dabe. Horrezaz gan, Bartzelonan egingo dan EuskalHerria Sona jaialdia aurkeztuko dabe. Euskal enpresek stand kolektibo bat izango dabe Mercat-ean, 39 zenbakiduna, artistak ezagutzera emoteko eta gainontzeko agenteekaz batzarrak egiteko. Aurten erakunde eta enpresa honeek hartuko dabe parte: Kultura Live, MIE, Baga Biga Musika Ideiak, Damba, Emankor Sarea y TxalapArt.

Egitarau zabala atondu dabe Vicen, lau egunetarako, uri osoan zehar eskainiko dira-eta hainbat musika estilako kontzertuak. MVLAB gunea be antolatuko da Vic-en, musika arloko programatzaileak, erakundeak, jaialdiak, enpresak, agentziak, diskoetxeak eta profesionalak batzen dituan espazioa.

Mursegok Hiru bere azkenengo diskoko doinuak eroango ditu Vic-era. OrekaTX-k Silex diskoa aurkeztuko dau, txalapartearen alde tradizional eta modernoa buztartzen dituan beharra. Eta Kepa Junkerak laster beteko ditu 35 urte oholtza ganean. Vicera Sorginak taldeagaz batera joango da.

Ikusi argazki guztiak handiago