Unai Villenak 'Hauts haietatik' nobelea argitaratuko dau, Igartza Sariari esker

| Ikusi handiago | Argazki originala

Elkar argitaletxeak, Beasaingo Udalak eta CAF enpreseak antolatzen dituen Igartza Sarien 17. edizinoko irabazlea Unai Villena elgoibartarra da. Uxue Alberdik, Igor Estankonak eta Danele Sarriugartek osotutako epaimahaiak Hauts haietatik proiektua aukeratu dau, hogeita bi lanen artean.

Urtebete inguru izango dau bere lehenengo eleberria idazteko, izan be, 2016ko urtarrilean argitaratuko da eta. Sariak 6.000 euroko laguntzinoa eta lana argitaratzeko konpromisoa dakarz. Unai Villena Elgoibarren jaio zan 1980an, eta hauxe da argitaratzen dauen lehenengo beharra. Industria-injinerua da, eta energia barriztagarrien iraunkortasun gaietan aditua da.

Lagun biren arteko harremana aurkezten dau nobelan, Oier eta Ander. 33 urte ditu Anderrek, eta bizitza ezegonkortzen deutson koktela: drogen menpekotasuna eta eskizofrenia; Oier lagun idazlearen laguntzaz kontauko deusku bere bizitzea, gaixotasun mentalen aurrean daukagun jarrerearen salaketeagaz batera.