Korrontzi talde bizkaitarrak Womex azokako Atlantic Connections atalean joko dau

| Ikusi handiago | Argazki originala

Urriaren 22tik 26ra bitartean Santiago de Compostelan egingo dabe Womex munduko musiken nazinoarteko azokan parte hartuko dau aurten Korrontzi folk taldeak, hain zuzen be Atlantic Connections izeneko eszenatokian. Mundu osoko 30 herrialdetako taldeak izango dira jaialdian.

Womex nazinoarteko topaketa profesionala da, eta 60 bat kontzertuz osatutako zuzeneko egitaraua izango dau aurten. Topaketeak 90 herrialdetako 2.500 ordezkari inguru eta 1.260 enpresa jasoko ditu, tartean 800 programatzaile, 500 zigilu, editore eta banatzaile eta 300 kazetari. DJ Womex Summit biltzarra, film emonaldiak edo 80 adituren berbaldiak eta aholkularitza saioak be izango dira.

Korrontzi taldearen partaidetzeaz gan, aurten be euskal musikeak berezko lekua izango dau Womex azokan, Euskadiko Soinuak programearen bidez. Eusko Jaurlaritzako Hezkuntza, Hizkuntza Politika eta Kultura Sailak sustatutako programa da Euskadiko Soinuak, musika sektore profesionaleko alkarteekaz lankidetzan; Etxepare Euskal Institutuaren partaidetzea be badauka, kanpoko zabalkundeari jagokonez.